టాలీవుడ్ టాలెంటెడ్ హీరో అడివి శేష్ మరియు స్టార్ హీరోయిన్ మృణాల్ ఠాకూర్ కలసి నటిస్తున్న సినిమా డెకాయిట్. స్పై థ్రిల్లర్ శైలిలో తెరకెక్కుతున్న ఈ సినిమాపై ప్రేక్షకుల్లో మంచి అంచనాలు ఏర్పడ్డాయి. షానిల్ డియో దర్శకత్వంలో తెరకెక్కుతున్న ఈ సినిమా, ఉగాది మరియు ఈద్ కానుకగా 2026 మార్చి 19న రిలీజ్ కానుందని మేకర్స్ ఇప్పటికే ప్రకటించారు.
ప్రాథమికంగా ఈ సినిమా డిసెంబర్ 25, 2025లో క్రిస్మస్ కానుకగా విడుదల కానుంది అనుకున్నప్పటికీ కొన్ని కారణాల వల్ల వాయిదా వేస్తూ వచ్చే సంవత్సరం మార్చి 19కి షెడ్యూల్ చేశారు. తాజాగా మేకర్స్ సోషల్ మీడియా ద్వారా సినిమా సంబంధించిన ముఖ్యమైన అప్డేట్ను విడుదల చేశారు.
డెకాయిట్ టీజర్ను డిసెంబర్ 18, 2025న రిలీజ్ చేయనున్నట్లు మేకర్స్ ప్రకటించారు. టీజర్ లాంచ్ ఈవెంట్ రెండు భాషల్లో, రెండు సిటీల్లో, రెండు వేరే వర్షన్స్తో జరుగనున్నట్టు తెలిపారు. దీనిలో భాగంగా డిసెంబర్ 18 ఉదయం 11 గంటలకు ముంబైలోని గ్యాలిటీ గెలాక్సీలో, సాయంత్రం 6:30 గంటలకు హైదరాబాదులోని ఏఏఏ సినిమాస్లో మీడియాతో మీట్ అండ్ గ్రీట్తో పాటు టీజర్ లాంచ్ ఈవెంట్ నిర్వహించనున్నారు.
పాన్ ఇండియా స్థాయిలో తెరకెక్కుతున్న సినిమా కావడంతో, మేకర్స్ ప్రారంభం నుంచే ప్రోమోషన్లను ప్లాన్ చేస్తున్నారు.
సినిమా సునీల్ నారంగ్ మరియు సుప్రియ యార్లగడ్డ సంయుక్తంగా నిర్మిస్తున్న ఈ సినిమాలో బాలీవుడ్ డైరెక్టర్ అనురాగ్ కశ్యప్, ప్రకాష్ రాజ్, అతుల్ కులకర్ణి, జైన్ మేరీ ఖాన్ కీలక పాత్రల్లో నటిస్తున్నారు. భీమ్స్ సిసిరోలియో సంగీతం అందిస్తున్న ఈ సినిమాలో యాక్షన్, సస్పెన్స్తో పాటుగా స్ట్రాంగ్ ఎమోషన్స్ కూడా ఉంటాయని చిత్ర యూనిట్ ప్రకటించింది.
Recent Random Post:
