ప్రస్తుతం ఇండియన్ సినీ పరిశ్రమలో మేకింగ్ దశలో ఉన్న అత్యంత ప్రతిష్టాత్మక ప్రాజెక్టుల్లో ఒకటి Allu Arjun – Atlee కాంబినేషన్లో రూపొందుతున్న చిత్రం. Pushpa సిరీస్తో పాన్ ఇండియా స్థాయిలో భారీ క్రేజ్ సంపాదించిన బన్నీ, ఇప్పుడు ఈ భారీ ప్రాజెక్ట్తో మరోసారి సెన్సేషన్ సృష్టించడానికి సిద్ధమవుతున్నాడు. మరోవైపు, దర్శకుడిగా ఇప్పటివరకు అపజయం తెలియని అట్లీ, ఇటీవల Jawanతో బ్లాక్బస్టర్ అందుకున్నాడు.
ఈ చిత్రాన్ని Sun Pictures అత్యంత భారీగా, దాదాపు ₹800 కోట్ల బడ్జెట్తో నిర్మిస్తోంది. హాలీవుడ్ స్థాయి వీఎఫ్ఎక్స్ స్టూడియోలు కూడా ఈ ప్రాజెక్ట్లో భాగమవుతుండటంతో అంచనాలు మరింత పెరిగాయి.
ఇంకా రెండు రోజుల్లో అల్లు అర్జున్ పుట్టినరోజు ఉండటంతో, ఈ సందర్భంగా మూవీ టైటిల్ మరియు ఫస్ట్ లుక్ విడుదల చేయడానికి ప్లాన్ చేస్తున్నారు. అయితే, అధికారిక ప్రకటనకు ముందే బన్నీ టీమ్ సోషల్ మీడియాలో హైప్ క్రియేట్ చేయడం ప్రారంభించింది. బన్నీ వాసు సహా ఆయన సన్నిహితులు, పీఆర్ టీమ్ సభ్యులు కొన్ని సింబల్స్, ఎమోజీలతో పోస్టులు చేస్తున్నారు.
ఆ పోస్టుల్లో ప్రధానంగా మూడు సింబల్స్ కనిపిస్తున్నాయి — వుడ్, పెట్రోల్ పంప్, ఫైర్ ఎమోజీ. ఈ సంకేతాలు మూవీ టైటిల్కు హింట్ ఇస్తున్నాయనే అభిప్రాయం వ్యక్తమవుతోంది. దీంతో ఈ సినిమా టైటిల్ “Wildfire” అయ్యే అవకాశం ఉందని సోషల్ మీడియాలో చర్చ జరుగుతోంది.
ఇంకా కొన్ని వర్గాలు ఈ సింబల్స్ కేవలం సోషల్ మీడియాను “తగలబెట్టే” అప్డేట్ రాబోతుందనే సూచనగా కూడా భావిస్తున్నాయి. ఏదేమైనా, అధికారిక ప్రకటనకు ముందే ఈ ప్రాజెక్ట్పై భారీ చర్చ మొదలైపోయింది.
ఇండస్ట్రీ వర్గాల సమాచారం ప్రకారం, మంగళవారం అర్ధరాత్రి ఫస్ట్ లుక్ విడుదల అయ్యే అవకాశం ఉంది. అంతకంటే ముందు ప్రి-లుక్ పోస్టర్ కూడా రావచ్చని టాక్. ఈ చిత్రంలో అల్లు అర్జున్ భిన్న అవతారాల్లో కనిపించనున్నాడని, అందులో ఒక అవతారంతో విడుదలయ్యే ఫస్ట్ లుక్ ప్రేక్షకులను ఆశ్చర్యపరుస్తుందని చెబుతున్నారు.
మొత్తంగా, టైటిల్, ఫస్ట్ లుక్ రాకముందే ఈ సినిమా సోషల్ మీడియాలో హాట్ టాపిక్గా మారిపోయింది.
Recent Random Post:
