ఈరోజుల్లో సినిమా తీయడం ఒక్కటే కాదు… దాన్ని ప్రేక్షకుల దగ్గరికి తీసుకెళ్లడం అంటే అంతకంటే పెద్ద బాధ్యత. ఒకప్పుడు హీరోలు షూటింగ్ పూర్తయిన వెంటనే తదుపరి ప్రాజెక్ట్లో బిజీ అయిపోతుండేవారు. కానీ ఇప్పుడు పరిస్థితి మారిపోయింది. సినిమా రిలీజ్కు కనీసం నెల రోజుల ముందు నుండి హీరో, హీరోయిన్, దర్శకుడు, నిర్మాతలు కలిసి ప్రమోషన్లో యాక్టివ్గా పాల్గొనాల్సిన అవసరం ఉంది.
ఈ రోజుల్లో సినిమాకు ఫలితం ఎలా ఉన్నా, మినిమం ఓపెనింగ్స్ రావాలంటే బజ్ క్రియేట్ చేయాల్సిందే. ప్రమోషన్ లేకుండా, సినిమాకు హిట్ టాక్ వచ్చినా, వసూళ్లు తగ్గిపోవడాన్ని ఎన్నో సార్లు చూశాం. తమిళ ఇండస్ట్రీలో నయనతార లాంటి కొంతమంది స్టార్స్ ప్రమోషన్కు దూరంగా ఉంటారు. కానీ అలాంటి సినిమాలు బాక్సాఫీస్ వద్ద ఆశించిన స్థాయిలో ఆడినట్లు డాక్యుమెంటెడ్ ఉదాహరణలు లేవు.
ఇలాంటి పరిస్థితుల్లో, కమల్ హాసన్ వయసుతో సంబంధం లేకుండా సినిమా ప్రమోషన్లో ఎంతగా యాక్టివ్గా ఉంటున్నారో చూడటం నిజంగా ప్రేరణ కలిగించే విషయం. ప్రస్తుతం కమల్ హాసన్ ‘థగ్ లైఫ్’ సినిమా ప్రమోషన్లో నాన్స్టాప్గా పాల్గొంటున్నారు. ఇది ఆయన మణిరత్నంతో కలిసి చేస్తున్న చిత్రం కావడంతో అంచనాలు ఆకాశాన్ని తాకుతున్నాయి. ‘నాయకుడు’ తర్వాత మరో మేజర్ సినిమా అవుతుందనే ఉత్కంఠ ఉంది.
ఇప్పటికే కమల్ హాసన్ హైదరాబాద్ లోను, నార్త్ ఇండియాలోనూ ప్రమోషన్లలో పాల్గొన్నారు. తమిళనాడులో ఎన్నో ఈవెంట్లకు హాజరై సినిమాపై ఆసక్తి పెంచారు. ఆయన యాక్టివ్ ప్రమోషన్ చూడగానే, ఇండస్ట్రీలో చాలామంది ఆశ్చర్యపోతున్నారు. 70 ఏళ్ల వయసులో కూడా ఈ స్థాయి ఎనర్జీతో ప్రచారంలో పాల్గొనడం యువ హీరోలందరికీ నేర్చుకోవాల్సిన పాఠం.
కేవలం తమిళ ప్రేక్షకులకే కాకుండా పాన్ ఇండియా ఆడియెన్స్ను టార్గెట్ చేస్తూ థగ్ లైఫ్ ప్రమోట్ అవుతోంది. త్రిష ఈ సినిమాలో హీరోయిన్గా నటించగా, శింబు కీలక పాత్రలో కనిపించనున్నారు. జూన్ 5న థియేటర్లలోకి రాబోతున్న ఈ సినిమా, అంచనాలను అందుకుంటుందా లేదా అన్నది వేచి చూడాలి.
Recent Random Post:
