టాలీవుడ్ యంగ్ టైగర్ జూనియర్ ఎన్టీఆర్, స్టార్ డైరెక్టర్ ప్రశాంత్ నీల్ కలయికలో రూపొందుతున్న ‘డ్రాగన్’ మూవీ షూటింగ్ జోరుగా కొనసాగుతోంది. మొదట ఈ ఏడాది జూన్లో రిలీజ్ చేయాలని ప్లాన్ ఉండగా, ఇంకా కొన్ని కీలక సన్నివేశాల షూటింగ్ పెండింగ్ ఉండటంతో రిలీజ్ వచ్చే ఏడాదికి వాయిదా పడే అవకాశం వినిపించేది. అయితే, మేకర్స్ ఫ్యాన్స్ కోసం సర్ప్రైజ్ ఇవ్వాలని, షూటింగ్ స్పీడ్గా కొనసాగుతున్నారని తెలుస్తోంది.
ప్రస్తుతం ఫారిన్లో కీలక యాక్షన్ సన్నివేశాలు చిత్రీకరిస్తున్నారు. ముఖ్యంగా జోర్డాన్లోని ఎడారి ప్రాంతాల్లో తీస్తున్న యాక్షన్ సీక్వెన్స్లు సినిమాకు ప్రత్యేక ఆకర్షణగా నిలుస్తాయని టాక్. ఆ షెడ్యూల్ ముగిసిన తర్వాత మేకర్స్ హైదరాబాద్లోని రామోజీ ఫిల్మ్ సిటీ లో తదుపరి షెడ్యూల్ నిర్వహించి క్లైమాక్స్ మరియు కీలక సీన్స్ను పూర్తి చేయనున్నట్లు తెలుస్తోంది. షెడ్యూల్ పూర్తయిన వెంటనే రిలీజ్ డేట్పై అధికారిక ప్రకటన వచ్చే అవకాశముంది.
డైరెక్టర్ ప్రశాంత్ నీల్ తన హై వోల్టేజ్ యాక్షన్ స్టైల్తో ప్రేక్షకుల్లో ప్రత్యేక గుర్తింపు సంపాదించారని, జూనియర్ ఎన్టీఆర్ మాస్ ఇమేజ్, పవర్ఫుల్ స్క్రీన్ ప్రెజెన్స్ సినిమా అంచనాలను పెంచుతున్నాయని సమాచారం. సినిమాలో హీరోయిన్గా రుక్మిణీ వసంత్ నటిస్తున్నది, ఆమె పాత్ర కథలో కీలకంగా ఉంటుందని తెలుస్తోంది. భారీ బడ్జెట్తో తెరకెక్కుతున్న ఈ సినిమాలో యాక్షన్ సీన్లకు ప్రత్యేక ప్రాధాన్యం ఇచ్చారు. షూటింగ్ జెట్ స్పీడ్లో కొనసాగుతోందటంతో, సినిమా ఈ ఏడాదిలోనే ప్రేక్షకుల ముందుకు రాబోవచ్చని ఊహించవచ్చు. ఫ్యాన్స్ అధికారిక రిలీజ్ డేట్ కోసం ఆసక్తిగా వేచిచూస్తున్నారు.
Recent Random Post:
