బాలీవుడ్ స్టార్ దీపికా పదుకొణె గతేడాది ఆడపిల్లకు జన్మనిచ్చిన సంగతి తెలిసిందే. తల్లి అయ్యాక సినిమాలకు బ్రేక్ తీసుకున్న ఆమె ప్రస్తుతం మాతృత్వాన్ని సంపూర్ణంగా ఆస్వాదిస్తోంది. అయితే, ఇప్పుడు మళ్లీ షూటింగ్స్లో పాల్గొనేందుకు సిద్ధమవుతోంది.
ఇటీవల ఓ ఇంటర్వ్యూలో దీపిక తల్లి అయ్యాక తన జీవితంలో వచ్చిన మార్పుల గురించి మాట్లాడింది. తల్లిగా మారడం ఒక మధురానుభూతి అని, ప్రస్తుతం తాను ఆ అనుభూతిని పూర్తిగా ఆస్వాదిస్తున్నట్లు తెలిపింది. బిడ్డ పుట్టినప్పటి నుంచి కుటుంబానికి పూర్తిగా సమయం కేటాయించిన తాను, ఇప్పుడు మళ్లీ సినిమాల కోసం తిరిగి సెట్కి వెళ్లేందుకు సిద్ధమవుతున్నట్లు చెప్పింది.
అయితే తల్లిగా మారిన తర్వాత తన కెరీర్ను బ్యాలెన్స్ చేయడం చాలా ఛాలెంజింగ్ అని దీపిక ఒప్పుకుంది. ఎవరు ఎన్ని సలహాలు ఇచ్చినా, చిన్న వయసులో బిడ్డను వదిలి బయట పనుల్లో బిజీ అవ్వడం అంత తేలికైన విషయం కాదని, ఈ కొత్త బాధ్యతలను ఎలా సమర్థంగా నిర్వహించాలో నేర్చుకుంటున్నట్లు తెలిపింది. అయితే, తప్పక ఈ ఫేజ్ను ఎదుర్కొంటానన్న నమ్మకం తనకు ఉందని చెప్పింది.
సినిమాల ఎంపిక విషయంలో ఇప్పటి వరకు చాలా జాగ్రత్తలు తీసుకున్నాను, ఇకపై కూడా నా ప్రాజెక్ట్స్పై మరింత ఫోకస్ పెడతాను అని దీపిక స్పష్టం చేసింది. రోహిత్ శెట్టి దర్శకత్వంలో తెరకెక్కిన ‘సింగం అగైన్’లో దీపిక శక్తివంతమైన పాత్ర పోషించింది. అంతేకాదు, ప్రభాస్, నాగ్ అశ్విన్ కాంబినేషన్లో రూపొందిన ‘కల్కి 2898 ఏడి’లోనూ ఆమె కీలక పాత్రలో కనిపించనుంది. ప్రస్తుతం ‘కల్కి’ సీక్వెల్ పనులు జరుగుతుండగా, ఈసారి దీపిక పాత్ర మరింత ముఖ్యమైనదిగా మారనుందని సమాచారం.
తల్లి అయ్యాక కూడా తన సినీ కెరీర్లో కొత్త దశను ప్రారంభించేందుకు దీపిక సిద్ధమవుతుండడం అభిమానులను ఉత్సాహపరుస్తోంది.
Recent Random Post:
