మాటల మాంత్రికుడు త్రివిక్రమ్‌ దర్శకత్వంలో ఎన్టీఆర్‌ తదుపరి చిత్రం కన్ఫర్మ్‌ అయ్యింది. ఆర్‌ఆర్‌ఆర్‌ ముగిసిన వెంటనే ఎన్టీఆర్‌ 30కి త్రివిక్రమ్‌ క్లాప్‌ కొట్టబోతున్నాడు. ఇప్పటికే ప్రీ ప్రొడక్షన్‌ వర్క్‌ దాదాపుగా పూర్తి అయ్యింది. కరోనా కారణంగా కాస్త ఆలస్యంగా సినిమా ప్రారంభం కాబోతుంది. ఆలస్యం అయినా కూడా వచ్చే ఏడాది సమ్మర్‌లోనే సినిమాను విడుదల చేయాలని త్రివిక్రమ్‌ ప్రయత్నాలు చేస్తున్నాడట. ఆ దిశగా స్క్రిప్ట్‌ను రెడీ చేస్తున్నట్లుగా మొన్నటి వరకు వార్తలు వచ్చాయి. కాని గత రెండు రోజులుగా ఎన్టీఆర్‌ 30కి ముందు త్రివిక్రమ్‌ మరో సినిమా చేయబోతున్నట్లుగా వార్తలు వస్తున్నాయి.
కరోనా లాక్‌ డౌన్‌ కారణంగా షూటింగ్స్‌ ఆగిపోయాయి. ఆర్‌ఆర్‌ఆర్‌ చిత్రం పూర్తి అయ్యేందుకు చాలా సమయం పట్టే అవకాశం ఉందని, దాంతో ఆ గ్యాప్‌లో వెంకటేష్‌తో ఒక సినిమాను చుట్టేసేందుకు త్రివిక్రమ్‌ ప్రయత్నాలు చేస్తున్నాడంటూ పుకార్లు షికార్లు చేస్తున్నాయి. నారప్ప పూర్తి అయిన వెంటనే త్రివిక్రమ్‌తో వెంకీ సినిమా ఉంటుందనే పుకార్లు గత రెండు రోజులుగా ఎన్టీఆర్‌ ఫ్యాన్స్‌కు చిరాకును తెప్పిస్తున్నాయి. వెంకీతో మూవీ తర్వాత ఎన్టీఆర్‌ మూవీ అంటే అది సరైన నిర్ణయం కాదంటూ ఫ్యాన్స్‌ అభిప్రాయం వ్యక్తం చేస్తున్నారు.
కాని అసలు విషయం ఏంటీ అంటే ఎంత సమయం వెయిట్‌ చేసి అయినా త్రివిక్రమ్‌ ఖచ్చితంగా ఎన్టీఆర్‌తోనే సినిమా చేస్తాడు. కొద్ది సమయంలో మరో సినిమా చేసి క్యాష్‌ చేసుకుందాం అనే కక్కుర్తి ఆలోచన త్రివిక్రమ్‌కు ఉండదు. గతంలో పలు సార్లు హీరోల కోసం వెయిట్‌ చేశాడు. ఈసారి కూడా ఎన్టీఆర్‌ కోసం వెయిట్‌ చేస్తాడు. లాక్‌ డౌన్‌ ఎత్తివేస్తే రెండు నెలల్లో ఆర్‌ఆర్‌ఆర్‌ షూటింగ్‌ పూర్తి అవుతుంది. ఆ వెంటనే ఎన్టీఆర్‌ 30 మూవీ ప్రారంభం అవ్వడం ఖాయం. లేని పోని పుకార్లు నమ్మి ఎన్టీఆర్‌ ఫ్యాన్స్‌ ప్యానిక్‌ కానవసరం లేదు.
Recent Random Post:
