టాలీవుడ్ అగ్ర నిర్మాతల్లో ఒకరైన దిల్ రాజు గురించి ప్రత్యేకంగా పరిచయం అవసరం లేదు. ‘పెళ్లి పందిరి’ చిత్రంతో డిస్ట్రిబ్యూటర్గా తన సినీ ప్రయాణం ప్రారంభించిన ఆయన, ‘దిల్’ సినిమా ద్వారా నిర్మాతగా మారారు. శ్రీ వెంకటేశ్వర క్రియేషన్స్ బ్యానర్పై ఎన్నో విజయవంతమైన చిత్రాలను నిర్మించి తెలుగు ప్రేక్షకుల హృదయాల్లో చోటు సంపాదించారు.
ఇటీవల, కొత్త టాలెంట్ను ప్రోత్సహించేందుకు ‘దిల్ రాజు డ్రీమ్స్’ అనే కొత్త బ్యానర్ను ప్రారంభించారు. ఈ బ్యానర్పై పలు చిత్రాలు రూపొందుతూ ఉన్నాయి, త్వరలో ప్రేక్షకుల ముందుకు రానున్నాయి.
అయితే తాజాగా దిల్ రాజు చేసిన కొన్ని వ్యాఖ్యలు సోషల్ మీడియాలో ట్రోలింగ్కు దారితీశాయి. ముఖ్యంగా టాలీవుడ్-ఏపీ ప్రభుత్వం మధ్య జరుగుతున్న పరిణామాల నేపథ్యంలో ఆయన వ్యాఖ్యలపై నెటిజన్లు ఓ రేంజ్లో స్పందిస్తున్నారు.
డిప్యూటీ సీఎం పవన్ కళ్యాణ్ ఇటీవల చిత్ర పరిశ్రమ పై ఆగ్రహం వ్యక్తం చేసిన సంగతి తెలిసిందే. ముఖ్యమంత్రి మద్దతు ఉన్నా, ఇప్పటికీ వ్యక్తిగతంగా కలిసేందుకు ఎవరూ ముందుకు రావడంలేదని, henceforth ఎవరూ వ్యక్తిగతంగా తన వద్దకు రాకూడదని వార్నింగ్ ఇచ్చారు. ఈ నేపథ్యంలో సినీ ఇండస్ట్రీని నాలుగు మంది మాత్రమే నడుపుతున్నారు అనే ఆరోపణలు వెలువడ్డాయి. అందులో దిల్ రాజు పేరూ వినిపించడం ప్రారంభమైంది.
ఇలాంటి సమయంలో దిల్ రాజు చేసిన “ఇంటర్నేషనల్ సినిమాల కోసం చూస్తున్నాం” అనే వ్యాఖ్యలు నెటిజన్లకు ఫుల్ టార్గెట్గా మారాయి. “లోకల్ కాదన్నారుగా.. ఇప్పుడు ఇంటర్నేషనల్ అంటున్నారుగా” అంటూ మీమ్స్తో సోషల్ మీడియా కుంపటిగా మారింది.
ప్రస్తుతం దిల్ రాజుపై ట్రోల్స్ విపరీతంగా వైరల్ అవుతున్నాయి. ఇక ఈ వ్యాఖ్యలపై దిల్ రాజు స్పందిస్తారేమో చూడాలి!
Recent Random Post:
