2025 పొంగల్ సీజన్‌లో కోలీవుడ్ హీరోలు అందరూ దూరంగా ఉన్నారు. ఈ పొంగల్ సీజన్‌కు ఏ స్టార్ హీరో కూడా సినిమా రిలీజ్ చేయలేదు. అన్ని హీరోల సినిమాలే ఆన్ సెట్స్‌లో ఉండటం వలన రిలీజ్ సాధ్యం కాలేదు. అందువల్ల ఇప్పుడు హీరోలందరి దృష్టి స‌మ్మ‌ర్‌ ప్రాజెక్టులపై పెరిగింది. స‌మ్మ‌ర్‌లో ఒక్కొక్క‌రుగా ప్రేక్షకుల ముందుకు రావడానికి రెడీ అవుతున్నారు.
ఈ నేప‌థ్యంలో ఫిబ్రవరి తొలి వారంలో ధనుష్ దర్శకత్వంలో రూపొందుతున్న ‘నిలవుకు ఎన్ మేల్ ఎన్న‌డీ కోబమ్’ చిత్రాన్ని విడుదల చేయాలని అనుకున్నారు. కానీ ఈ చిత్రం 21వ తేదీకి వాయిదా పడింది. యువ న‌టీన‌టుల‌తో ధనుష్ తెర‌కెక్కిస్తోన్న ఈ సినిమా బ‌జ్‌ను సృష్టించింది. ధనుష్ ద‌ర్శ‌కుడిగా స‌క్సెస్ అయిన నేప‌థ్యంలో ఈ సినిమా ప‌ట్ల అంచనాలు పెరిగాయి. అయితే ధనుష్ హీరోగా న‌టిస్తోన్న ‘ఇడ్లీ కడై’ సినిమా ఏప్రిల్ 10న రిలీజ్ కావ‌డానికి ప్ర‌క‌టించబడింది. విడుదలైన ప్రోమోస్‌తో ఈ సినిమా బ‌జ్‌ను మరింత పెంచింది.
అయితే, ‘ఇడ్లీ కడై’ కూడా వాయిదా పడింది, కొత్తగా 24వ తేదీని లక్ష్యంగా చూస్తున్నట్లు సమాచారం. విడుదల ఆలస్యం అయినప్పటికీ, ధనుష్ చిత్రాలు రెండు నెలల వ్యవధిలో ప్రేక్షకుల ముందుకు రాబోతున్నాయి, ఇది అభిమానులకు కొంత ఉపశమనం ఇచ్చే అంశం.
ఇక, ధనుష్ పాన్ ఇండియా ప్రాజెక్టు ‘కుబేర’ కూడా ఈ ఏడాది ప్రేక్షకుల ముందుకు రానుంది. భారీ అంచ‌నాల మధ్య శేఖర్ కమ్ముల దర్శకత్వంలో రూపొందుతోన్న ఈ గ్యాంగ్‌స్టర్ చిత్రం మరింత ఆసక్తి సృష్టిస్తోంది. ‘కెప్టెన్ మిల్ల‌ర్’, ‘రాయ‌న్’ వంటి ప‌వ‌ర్‌ఫుల్ కంటెంట్ చిత్రాల తర్వాత విడుదల అవుతున్న ‘కుబేర’పై భారీ అంచనాలు ఉన్నాయి. ఈ సినిమా షూటింగ్ పూర్తయింది, ప్రస్తుతం పోస్ట్ ప్రొడక్షన్ ప‌నులు జ‌రుగుతున్నాయి.
Recent Random Post:
