నేచురల్ స్టార్ నాని కొత్త చిత్రం ది ప్యారడైజ్పై భారీ అంచనాలు నెలకొన్నాయి. దసరా ఫేమ్ శ్రీకాంత్ ఓదెల దర్శకత్వం వహిస్తున్న ఈ మాస్ యాక్షన్ ఎంటర్టైనర్లో నాని లుక్, కథనం, మాఫియా బ్యాక్డ్రాప్, కుటుంబ ఎమోషన్ల మేళవింపు ప్రత్యేక ఆకర్షణగా నిలవనున్నాయి.
తాజాగా ఈ చిత్రంలో బాలీవుడ్, మరాఠీ నటి సోనాలి కులకర్ణి కీలక పాత్ర పోషిస్తున్నట్లు తెలుస్తోంది. దిల్ ఛాహతా హై, భరత్ వంటి హిట్ చిత్రాల్లో నటించిన సోనాలి, ఈ సినిమా ద్వారా తొలిసారి తెలుగు ప్రేక్షకులను పలకరించనున్నారు.
సినిమాలో తల్లి పాత్ర ఎంత బలంగా ఉంటే, ప్రేక్షకుల స్పందన కూడా అంత గొప్పగా ఉంటుందనే విషయం గతంలో బాహుబలి, సలార్ వంటి చిత్రాల్లో స్పష్టంగా కనిపించింది. ఇప్పుడు శ్రీకాంత్ ఓదెల కూడా అదే ట్రెండ్ను కొనసాగిస్తూ, తల్లి పాత్రను మరింత శక్తివంతంగా మలచనున్నట్లు సమాచారం. టీజర్లో “రక్తం పోసి పెంచిన కొడుకు” అనే డైలాగ్ హైలైట్ కావడంతో, ఈ తల్లి-కొడుకు బాండ్ ఎంత ఎమోషనల్గా ఉంటుందో అర్థమవుతోంది.
ఇప్పటి వరకు తెలుగులో కనిపించని సోనాలి కులకర్ణి, నానితో కలిసి తొలిసారి స్క్రీన్ షేర్ చేసుకోనున్నారు. బాలీవుడ్, మరాఠీ చిత్రాల్లో ఎమోషనల్ పాత్రలు చేయడంలో ఆమెకు ప్రత్యేక గుర్తింపు ఉంది. ఈ చిత్రంలో ఆమె ప్రత్యేకమైన గెటప్లో కనిపించనుందని సమాచారం.
దర్శకుడు శ్రీకాంత్ ఓదెల, తన తొలి సినిమా దసరాతోనే మాస్ సినిమాలను స్టైల్గా ప్రెజెంట్ చేయగల వ్యక్తిగా గుర్తింపు తెచ్చుకున్నారు. ఇప్పుడు ది ప్యారడైజ్ లో కూడా మాఫియా బ్యాక్డ్రాప్ను, కుటుంబ అనుబంధాలను కలిపి నెవిగేట్ చేసేలా సినిమా రూపొందిస్తున్నట్లు తెలుస్తోంది. కేజీఎఫ్, పుష్ప, సలార్ వంటి హై-ఇంటెన్స్ యాక్షన్ చిత్రాల్లో మదర్ సెంటిమెంట్ బలంగా వర్కౌట్ అయినట్లు, ఈ సినిమాలోనూ ఆ ఎమోషన్ బాగా కనెక్ట్ అవుతుందన్న టాక్ ట్రేడ్ వర్గాల్లో వినిపిస్తోంది.
నాని కెరీర్లో మరో విభిన్నమైన సినిమాగా నిలిచే ది ప్యారడైజ్, 2025 మార్చి 26న గ్రాండ్ థియేట్రికల్ రిలీజ్కు సిద్ధమవుతోంది.
Recent Random Post:
