పవర్ స్టార్ పవన్ కళ్యాణ్ అభిమానులకు వరుసగా గుడ్ న్యూస్లు అందుతున్నాయి. ఆంధ్రప్రదేశ్ డిప్యూటీ సీఎం బాధ్యతలు నిర్వహిస్తూనే, సినిమాలతోనూ సమానంగా బిజీగా ఉన్న పవన్ తన లైనప్లో ఐదు భారీ ప్రాజెక్టులను సిద్ధం చేస్తున్నారు. ఇప్పటికే ‘హరిహర వీరమల్లు పార్ట్ 1’, ‘ఓజీ పార్ట్ 1’, ‘ఉస్తాద్ భగత్ సింగ్’, ‘హరిహర వీరమల్లు పార్ట్ 2’, ‘ఓజీ పార్ట్ 2’ వంటి సినిమాలు పవన్ లైనప్లో ఉన్నాయి. ఈ సినిమాల ద్వారా అభిమానులకు ఫుల్ ఎంటర్టైన్మెంట్ అందించేందుకు సిద్ధమవుతున్నారు.
పవన్ తీసుకున్న అడ్వాన్స్ లు, రెమ్యునరేషన్ల కారణంగా ఈ సినిమాలను తప్పకుండా పూర్తి చేయాల్సిన పరిస్థితి ఏర్పడింది. ‘హరిహర వీరమల్లు’ చిత్ర షూటింగ్ ఇప్పటికే పూర్తయింది. 17వ శతాబ్దం మొఘల్ సామ్రాజ్య నేపథ్యంలో తెరకెక్కిన ఈ చిత్రానికి క్రిష్ జగర్లమూడి దర్శకత్వం వహించారు. పార్ట్ 1ని జూన్ 14న విడుదల చేసే అవకాశముందని సమాచారం.
ఇక సుజీత్ దర్శకత్వంలో రూపొందుతున్న ‘ఓజీ’ సినిమా కూడా రెండు భాగాలుగా రూపొందుతోంది. ఇందులో పవన్ కళ్యాణ్ గ్యాంగ్స్టర్ పాత్రలో కనిపించనున్నారు. ఈ సినిమా షూటింగ్ చివరి దశలో ఉంది. హరీష్ శంకర్ దర్శకత్వంలో తెరకెక్కుతున్న ‘ఉస్తాద్ భగత్ సింగ్’ చిత్రంలో పవన్ ఓ పోరాటశీల పోలీస్ పాత్రలో కనిపించనున్నారు.
ఈ సినిమాల మధ్యలో మరో ఆసక్తికర ప్రాజెక్ట్ గురించీ టాక్ నడుస్తోంది. నిర్మాత రామ్ తళ్లూరి మూడు సంవత్సరాల క్రితమే పవన్కు అడ్వాన్స్ ఇచ్చారు. మొదట సురేందర్ రెడ్డితో సినిమా ప్లాన్ చేసినా, ఆ కాంబినేషన్ వర్క్ అవుట్ కాలేదు. ప్రస్తుతం నిర్మాత మరో దర్శకుడిని ఫైనల్ చేయాలని చూస్తున్నారు. పవన్ రాజకీయ షెడ్యూల్లో సమయం కేటాయించడం కష్టం అయినా, మాట ఇచ్చిన నిర్మాత కోసం ఈ ప్రాజెక్ట్కి గ్రీన్ సిగ్నల్ ఇచ్చే అవకాశముంది.
ఇదే కనుక జరిగితే పవన్ లైనప్లో మరో ఇంట్రెస్టింగ్ ప్రాజెక్ట్ చేరనున్నది. ‘హరిహర వీరమల్లు’ పార్ట్ 2, ‘ఓజీ’ పార్ట్ 2లు కూడా భారీ స్థాయిలో తెరకెక్కుతున్నాయి. ఈ సినిమాల ద్వారా పవన్ కళ్యాణ్ మరోసారి బాక్సాఫీస్పై తన ప్రభావాన్ని చూపనున్నారు. రాజకీయాల్లోనే కాదు, సినిమా రంగంలోనూ తన సత్తా చాటడానికి పవన్ రెడీ అయ్యారు.
Recent Random Post:
