ఒక zamana లో టాలీవుడ్ బుట్ట బొమ్మగా పేరు తెచ్చుకున్న పూజా హెగ్దే ప్రస్తుతం పూర్తిగా ఖాళీగా ఉన్న స్థితిలో కనిపిస్తుంది. ‘గుంటూరు కారం’ నుంచి తప్పుకున్నదే ఆమె కెరీర్కు టర్నింగ్ పాయింట్ అయ్యిందనే ప్రచారం నడుస్తోంది. ఆ తర్వాత ఒక్క తెలుగు సినిమా అవకాశం కూడా రాకపోవడం గమనార్హం. ఆమెకు టాలీవుడ్లో మంచి ఫ్యాన్ ఫాలోయింగ్ ఉన్నా, గ్లామర్ రోల్స్లో అలరించిన పూజా అవకాశాలు కోల్పోవడం ఆశ్చర్యమే.
ఇంతవరకూ టాలీవుడ్లో స్టార్ హీరోల సరసన పెద్ద పెద్ద సినిమాల్లో నటించిన పూజా… ప్రస్తుతం మాత్రం బిజీగా ఉన్నది సోషల్ మీడియాలో మాత్రమే. ప్రతీ చిన్న అప్డేట్ను ఇన్స్టాగ్రామ్ ద్వారా పంచుకుంటూ, ఫొటోషూట్లతో ఫ్యాన్స్తో టచ్లో ఉండే ప్రయత్నం చేస్తోంది. బాలీవుడ్లో క్లిక్ కాకపోయినా, తెలుగు సినిమాలే ఆమెకు మేజర్ బ్రేక్ ఇచ్చాయి. కానీ ఇప్పుడు అదే ఇండస్ట్రీ నుండి దూరమవుతున్నట్టుగా అనిపిస్తోంది.
ఇటీవల సూర్యతో చేసిన ‘రెట్రో’ సినిమాతో గ్లామర్కు భిన్నంగా డీ-గ్లామర్ రోల్లో నటించింది పూజా. ఆ సినిమా ద్వారా తిరిగి ఫామ్లోకి వస్తానని ఆశించినా, ఆశించినంత సక్సెస్ రాలేదు. ప్రమోషన్ల సమయంలో “తెలుగులో ఓ అవకాశం వచ్చింది” అని చెప్పిన పూజా, ఆ ప్రాజెక్ట్ నుంచి కూడా అజ్ఞాతంగా తప్పుకున్నట్టు సమాచారం.
ప్రస్తుతం పూజా హడావుడిగా సినిమాల ఎంపిక చేయక, ఒక స్ట్రాంగ్ పాన్ ఇండియా ఛాన్స్ కోసం ఎదురు చూస్తున్నట్టుంది. తెలుగులో మళ్లీ స్టార్ డం తిరిగి సంపాదించాలంటే అద్భుతమైన కంబ్యాక్ అవసరం. ఫ్యాన్స్ మాత్రం ఆమె మళ్లీ టాలీవుడ్కి వస్తే చూడాలని ఎదురుచూస్తున్నారు. మరి ఆ అదృష్ట ఛాన్స్ ఇచ్చేది ఎవరు? పూజా మళ్లీ బ్లాక్బస్టర్ బ్యూటీ అవుతుందా? వేచి చూడాలి!
Recent Random Post:
