ఒకప్పుడు టాలీవుడ్లో బిజీ హీరోగా గుర్తింపు పొందిన మంచు మనోజ్, అప్పుడప్పుడు హిట్ సినిమాలతో ఆకట్టుకున్నాడు. మంచు కుటుంబంలో అతనే అత్యధిక సక్సెస్లను సాధించిన హీరో. అయితే, వర్సా ఫ్లాపులు, వ్యక్తిగత జీవితంలో ఎదురైన ఒడుదొడుకుల కారణంగా ఐదేళ్ల పాటు సినిమాలు రాలేదు. ఈ గ్యాప్ కారణంగా అతను ఇండస్ట్రీ నుంచి దూరమైపోయినట్లు కనిపించేది.
కానీ గత ఏడాది మనోజ్ మళ్లీ తన కెరీర్ను రీబూట్ చేశాడు. ఈ ఏడాది అతని రెండు సినిమాలు రిలీజ్ అయ్యాయి. రీఎంట్రీ మూవీ భైరవం ఫ్లాప్ అయినప్పటికీ, మిరాయ్ బ్లాక్బస్టర్గా నిలిచింది. ఈ రెండు చిత్రాల్లోనూ అతను విలన్ పాత్రల్లో కనిపించాడు. ముఖ్యంగా మిరాయ్లో ఫుల్-లెంగ్త్ నెగటివ్ రోల్లో మెప్పించాడు. దీనితో టాలీవుడ్కు సరైన విలన్ దొరికాడని ಅಭిప్రాయాలు వ్యక్తమయ్యాయి.
మనోజ్ త్వరలో డేవిడ్ రెడ్డి అనే సినిమాతో హీరోగా రీటర్న్ చేయనున్నారు. ఈ సినిమా షూటింగ్ ఇంకా ప్రారంభ కాలేదు, కానీ త్వరలో సెట్స్పైకి వెళ్లనుంది. సినిమాలో రెండు స్పెషల్ క్యామియో రోల్స్ ఉంటాయి. అందులో ఒకటి మంచు మనోజ్ క్లోజ్ ఫ్రెండ్ అయిన తమిళ స్టార్ హీరో శింబు చేస్తున్నారు. మరో పాత్ర కోసం మెగా పవర్ స్టార్ రామ్ చరణ్ను అడుగుతున్నట్లు సమాచారం. చరణ్తో మనోజ్కు మంచి స్నేహం ఉన్నప్పటికీ, పాన్ ఇండియా స్టార్గా ఎదిగిన చరణ్ ఈ క్యామియో చేస్తాడా అన్నది సందేహాస్పదం.
డేవిడ్ రెడ్డి ఒక పీరియడ్ మూవీ. బ్రిటిష్ అధికారులపై పోరాడిన యోధుడి కథ ఆధారంగా రూపొందుతుంది. కొత్త దర్శకుడు హనుమరెడ్డి యక్కంటి ఈ చిత్రాన్ని తెరకెక్కిస్తున్నారు. పాన్ ఇండియా స్థాయిలో రూపొందించబడుతున్న ఈ చిత్రానికి ప్రతిష్టాత్మక టెక్నీషియన్లు పని చేస్తున్నారు.
Recent Random Post:
