మెగాస్టార్ చిరంజీవి ఆరుపదుల వయసులోనూ జోష్ తగ్గకుండా వరుస సినిమాలతో దూసుకెళ్తున్నారు. కొత్తగా సినిమాలు లైన్లో పెట్టి యువ హీరోలతో పోటీ పడుతూ మళ్లీ తన సత్తా చాటుతున్నారు. ఖైదీ నెం.150తో రీఎంట్రీ ఇచ్చిన తర్వాత చిరు వరుస హిట్లతో దూసుకెళ్తారని మెగా అభిమానులు భావించారు. కానీ వెంటనే వచ్చిన సైరా నరసింహా రెడ్డి ఆశించిన స్థాయిలో రాణించకపోవడంతో చిన్న షాక్ తగిలింది.
అయితే ఇలాంటి చిన్న తప్పిదాలు ఎవరైనా కెరీర్లో జరుగుతూనే ఉంటాయి. కానీ ఇటీవల ఈ లోటు చిరంజీవి కెరీర్లో పదేపదే జరగడంతో ఇప్పుడు ఆయన చాలా జాగ్రత్తగా తన ప్రాజెక్టులను ప్లాన్ చేస్తున్నారు.
ప్రస్తుతం వశిష్ఠ దర్శకత్వంలో వస్తున్న విశ్వంభరతో పాటు, అనిల్ రావిపూడి డైరెక్షన్లో మరో పెద్ద సినిమా చేస్తున్నారు. ఈ మెగా157ను సంక్రాంతి రిలీజ్కి టార్గెట్ చేశారు. దానికి ముందే విశ్వంభరను విడుదల చేయాలని ప్లాన్ చేస్తున్నారు. ఒకవేళ విశ్వంభర ఫలితం ఆశించినంత రాకపోయినా, మెగా157పై ఉన్న భారీ హైప్ కారణంగా దాని ప్రభావం చిరంజీవి మార్కెట్పై పెద్దగా పడే అవకాశం లేదు. పైగా రిలీజ్ టైమ్కి ఈ సినిమా మీద క్రేజ్ మరింత పెరుగడం ఖాయం.
అంతేకాక, దసరా ఫేమ్ శ్రీకాంత్ ఓదెల దర్శకత్వంలో కూడా చిరు మరో భారీ యాక్షన్ ఎంటర్టైనర్ చేయబోతున్నారు. అనౌన్స్మెంట్తోనే హైప్ తెచ్చుకున్న ఈ సినిమాను నేచురల్ స్టార్ నాని నిర్మించనున్నారు. ప్రస్తుతం ది ప్యారడైజ్ సినిమాతో బిజీగా ఉన్న శ్రీకాంత్, వచ్చే సమ్మర్కి ఫ్రీ అయ్యాక ఈ ప్రాజెక్ట్ను సెట్స్పైకి తీసుకువెళ్తారు.
ఇవే కాకుండా, బాబీ దర్శకత్వంలో కూడా మరో సినిమా చేయాలని చిరంజీవి ఆలోచిస్తున్నారు. వాల్తేర్ వీరయ్యతో ఇచ్చిన భారీ హిట్ తరువాత బాబీతో మరోసారి జతకట్టాలని అనుకుంటున్నారు. ఈ ప్రాజెక్ట్లో ఏవైనా మార్పులు వచ్చినా, శ్రీకాంత్ సినిమా రెడీగా ఉండేలా ప్లాన్ చేసుకున్నారు.
మొత్తం వచ్చే మూడు సంవత్సరాల్లో చిరు నుండి నాలుగు భారీ సినిమాలు విడుదల కానున్నాయి. ఈ నాలుగు సినిమాలు కూడా సక్సెస్ అయితే, రాబోయే పది సంవత్సరాల పాటు టాలీవుడ్లో మెగాస్టార్ స్థానం దృఢంగా ఉంటుందని చెప్పవచ్చు.
Recent Random Post:
