మెగాస్టార్ చిరంజీవి సినిమాలు కోసం అభిమానులు ఎప్పుడూ ఆసక్తిగా ఎదురుచూస్తుంటారు. ఇప్పుడు మాస్ డైరెక్టర్ బాబీ కొల్లితో మళ్లీ చేతులు కలిపిన తర్వాత, చిరు కొత్త ప్రాజెక్ట్పై ఇప్పటికే భారీ అంచనాలు ఏర్పడ్డాయి. గతంలో వీరి కాంబినేషన్లో వచ్చిన వాల్తేరు వీరయ్య బాక్సాఫీస్లో ఘన విజయం సాధించి, మెగాస్టార్ కెరీర్లో మరో బ్లాక్బస్టర్గా నిలిచింది. అదే సక్సెస్ కాంబినేషన్ను పునరావృతం చేస్తూ మెగా 158 ప్రాజెక్ట్పై అభిమానులు పెద్ద ఉత్కంఠతో ఎదురుచూస్తున్నారు.
సినిమా బంగాల్ నేపథ్యంలో సాగే పవర్ఫుల్ గ్యాంగ్స్టర్ యాక్షన్ డ్రామాగా తెరకెక్కుతోందని సమాచారం. మాస్, ఎమోషన్, యాక్షన్ అంశాలతో కథను బాబీ సిద్ధం చేశాడు. ఫ్యాన్స్ కోరుకునే మాస్ అవతార్లో మెగాస్టార్ను చూపించడానికి ప్రత్యేక శ్రద్ధ తీసుకుంటున్నట్లు వినికిడి.
ఇప్పటికే మాలీవుడ్ సూపర్స్టార్ మోహన్లాల్ ఈ సినిమాలో నటిస్తున్నారని కొన్ని రోజులుగా వార్తలు వస్తున్నాయి. మొదట మేకర్స్ ఆయనను సంప్రదించగా, రెమ్యూనరేషన్ విషయంలో డీల్ కుదరలేదని వార్తలు వినిపించాయి. కానీ తాజాగా, మోహన్లాల్ పవర్ఫుల్ పోలీస్ ఆఫీసర్ పాత్రలో సినిమాకి చేరినట్లు తెలుస్తోంది. ఆయన గెస్ట్ రోల్ మాత్రమే కాకుండా, కథలో కీలక మలుపు తిప్పే పాత్రలో ఉండబోతాడని ప్రచారం జరుగుతోంది.
చిరంజీవి, మోహన్లాల్ వంటి ఇద్దరు దిగ్గజ నటులు ఒకే ఫ్రేమ్లో కనిపిస్తే ప్రేక్షకులకు ఫుల్ మీల్స్ లాంటి అనుభూతి లభిస్తుందని విశ్లేషకులు అంటున్నారు. వారిద్దరి మధ్య సన్నివేశాలు హై-వోల్టేజ్ యాక్షన్తో పాటు భావోద్వేగాలను కూడా అందిస్తాయి.
అదే సమయంలో హీరోయిన్గా సీనియర్ బ్యూటీ ప్రియమణిని ఫిక్స్ చేసినట్లు తెలుస్తోంది. చిరంజీవి సరసన ఆమె కొత్తగా నటించడం అభిమానులకు ఆకర్షణగా మారబోతుంది. ఆమె పాత్రకు కథలో మంచి ప్రాధాన్యత ఉంటుందని, కీలక మలుపులకు కారణమయ్యేలా రోల్ డిజైన్ చేయబడిందని సమాచారం.
సినిమాకు కాకా అనే మాస్ టైటిల్ పెట్టడానికి ప్రయత్నిస్తున్నట్లు ప్రచారం జరుగుతోంది. భారీ బడ్జెట్లో KVN ప్రొడక్షన్ బ్యానర్ నిర్మిస్తున్న ఈ చిత్రాన్ని పాన్ ఇండియా స్థాయిలో విడుదల చేయాలని మేకర్స్ ప్లాన్ చేస్తున్నారు. 2027 సంక్రాంతి కానుకగా ప్రేక్షకుల ముందుకు తీసుకురావాలని యోచిస్తున్నారని తెలుస్తోంది. తండ్రీ-కూతుళ్ల సెంటిమెంట్తో పాటు మాస్ ఎలిమెంట్స్తో కూడిన సినిమా కావడానికి ఈ చిత్రానికి అంచనా వేస్తున్నారు. మెగాస్టార్-మోహన్లాల్ కాంబినేషన్ ఏ స్థాయిలో సందడి చేస్తుందో వేచి చూడాల్సిందే.
Recent Random Post:
