ప్రపంచ సినీ రంగానికి ఆస్కార్ ఫిల్మ్ ఫెస్టివల్ ఎంత ప్రాముఖ్యమైందో, ఫ్యాషన్ ప్రపంచానికి మెట్గాలా కూడా అంతే ప్రతిష్టాత్మకమైన ఈవెంట్. ప్రతి ఏడాది మెట్గాలా వేడుకకు కొద్ది మంది సెలబ్రిటీలకే ఆహ్వానం లభిస్తుంది. ఇందులో పాల్గొనాలంటే ఒక్క టికెట్కి సుమారు $75,000 (దాదాపు ₹62 లక్షలు) వరకు ఖర్చవుతుంది, దీని ద్వారా ఈ ఈవెంట్ స్థాయి అర్థమవుతుంది.
ఈ సంవత్సరం మెట్గాలా మే 7వ తేదీ తెల్లవారుజామున 3 గంటలకు (భారత కాలమానం ప్రకారం), న్యూయార్క్లోని మెట్రోపాలిటన్ మ్యూజియం ఆఫ్ ఆర్ట్స్లో ప్రారంభమైంది. ఈ ఏడాది థీమ్: “స్లీపింగ్ బ్యూటీస్: రీయావేకెనింగ్ ఫ్యాషన్”. ఈ ప్రత్యేక వేడుకలో బాలీవుడ్ బాద్షా షారుఖ్ ఖాన్ తొలిసారి పాల్గొనబోతుండటం విశేషం. అతనితో పాటు కియారా అద్వాణీ, ప్రియాంకా చోప్రా తదితర ప్రముఖులు కూడా ఈవెంట్కు హాజరవుతున్నారు.
ఈ వేడుకకు కొన్ని కఠినమైన నిబంధనలు ఉన్నాయి. లోపలికి సెల్ఫోన్లు తీసుకెళ్లటం నిషిద్ధం, రేడ్కార్పెట్ ఫోటోల తరువాత ఎలాంటి ఫోటోలు బయటపెట్టడం మానుకోవాల్సి ఉంటుంది. అంతేకాకుండా, లోపల స్మోకింగ్ కూడా పూర్తిగా నిషేధించబడింది.
మెట్గాలాలో పాల్గొనే ప్రతి సెలబ్రిటీకి ముందుగానే టేబుల్ కేటాయింపు జరుగుతుంది – ఐదు నెలల ముందే వారిని ఎక్కడ కూర్చోబెట్టాలో నిర్ణయిస్తారు. అలాగే వారు వేసుకునే దుస్తుల డిజైన్ను ముందుగా సమర్పించి నిర్వాహకుల అనుమతి పొందాల్సి ఉంటుంది.
విందు విషయంలోనూ నిర్వాహకులు చాలా జాగ్రత్తలు తీసుకుంటారు. ఉల్లి, వెల్లులి, కొత్తిమీర వంటి పదార్థాలు వాడకుండా ఉండటం ద్వారా మాట్లాడే సమయంలో అసౌకర్యం లేకుండా చూసుకుంటారు. అంతేకాక, బ్రషెట్టా వంటి వంటకాలు, దుస్తులపై మచ్చలు పడకుండా ఉండేందుకు నిషేధించబడతాయి.
ఈ విధంగా మెట్గాలా ఒక విశిష్టమైన, కఠిన నిబంధనలతో కూడిన గ్లామర్ ఉత్సవంగా నిలుస్తోంది.
Recent Random Post:
