90వ దశకంలో హిట్లర్, అల్లుడా మజాకా, భైరవ దీపం, బావగారు బాగున్నారా వంటి హిట్ సినిమాలతో తెలుగు ప్రేక్షకుల మనసుల్లో ప్రత్యేక స్థానం సంపాదించుకున్న నటి రంభ, సినిమాలకు ఎంతోకాలంగా దూరంగా ఉంది. 2007లో యంగ్ టైగర్ ఎన్టీఆర్ సరసన యమదొంగ సినిమాలో ఒక ఐటెం సాంగ్లో కనిపించి మరోసారి తెలుగు ప్రేక్షకుల మదిలో చిరస్థాయిగా నిలిచిపోయింది. అయితే, ఆమె చివరిసారిగా 2010లో వచ్చిన దేవి చిత్రంలో కనిపించింది.
తర్వాత చాలా గ్యాప్ తీసుకున్న రంభ, ప్రస్తుతం టీవీ షోల్లో జడ్జిగా కొత్త అవతారంలో ప్రేక్షకులను ఆకట్టుకుంటోంది. ఇటీవల ఇచ్చిన ఓ ఇంటర్వ్యూలో తన జీవితంలోని రెండవ ఇన్నింగ్స్ గురించి ఆసక్తికర విషయాలు చెప్పింది. 2010లో శ్రీలంకకు చెందిన తమిళ వ్యాపారవేత్త ఇంద్రకుమార్ను పెళ్లి చేసుకుని కెనడాలో నివాసముంటున్న రంభకు ఇప్పుడు ముగ్గురు పిల్లలు ఉన్నారు.
“పిల్లల సంరక్షణే ప్రాధాన్యతనిచ్చాను, అందుకే నటనకు బ్రేక్ ఇచ్చాను. ఇప్పుడు వాళ్లు ఎదిగారు, తాము చూసుకోగలుగుతున్నారు. నటన అంటే నాకు ఎంత ఇష్టం ఉందో నా భర్తకు తెలుసు. ఆయన ప్రోత్సాహంతోనే ఇప్పుడు టీవీ షోల ద్వారా మళ్లీ ప్రేక్షకుల ముందుకు వస్తున్నాను,” అని రంభ పేర్కొంది.
ఇప్పుడు రంభ తన రెండో ఇన్నింగ్స్ను మరోసారి బలంగా ప్రారంభించినట్టు కనిపిస్తోంది. సినీ ప్రియులకు ఇది ఆనందకరమైన విషయం అనడంలో సందేహమే లేదు.
Recent Random Post:
