పాన్ ఇండియా స్టార్ ప్రభాస్ నటించిన “సలార్” సినిమా ఓటీటీలో దుమ్మురేపుతోంది. నెట్‌ఫ్లిక్స్‌లో స్ట్రీమింగ్ అవుతున్న ఈ సినిమా రికార్డ్ స్థాయిలో వ్యూస్‌ను దక్కించుకుంటోంది. నెట్ఫ్లిక్స్ టాప్-10 గ్లోబల్‌ చార్ట్స్‌ (నాన్‌ ఇంగ్లీష్ కేటగిరీ)లో మూడో స్థానంలో నిలిచింది. జనవరి 15-21 మధ్య అరుదైన ఫీట్ అందుకుందీ మూవీ. ప్రభాస్‌కు వరల్డ్‌వైడ్‌గా ఏ రేంజ్‌లో క్రేజ్‌ ఉందో ఈ ఒక్క విషయంతో అర్థం చేసుకోవచ్చు.
తక్కువ టైమ్‌లోనే హైయ్యెస్ట్ వ్యూస్‌ను దక్కించుకున్న మూవీగా సలార్ రికార్డ్‌క్రియేట్ చేస్తోంది. థియేటర్లలో రిలీజై నెల రోజులు కూడా కాకముందే సలార్ ఓటీటీలోకి రావడంతో వ్యూస్ భారీ స్థాయిలో వచ్చినట్లు సినీ పండితులు చెబుతున్నారు. సలార్ స్ట్రీమింగ్ హక్కులను నెట్ఫ్లిక్స్ దాదాపు 100 కోట్లకు దక్కించుకున్నట్లు వార్తలు వినిపిస్తున్నాయి.
అయితే సలార్ మూవీ కన్నా మూడు వారాల ముందే బాలీవుడ్ స్టార్ రణ్‌బీర్ కపూర్ నటించిన “యానిమల్” థియేటర్లలో రిలీజైంది. ఇప్పటికే సలార్ ఓటీటీలోకి రాగా.. కానీ యానిమల్ మాత్రం ఇంకా రాలేదు. దీంతో ఇదే విషయాన్ని గుర్తు చేస్తూ యానిమల్ టీమ్‌ను టీజ్ చేసేలా రెండు రోజుల క్రితం సలార్ టీమ్ ఓ ట్వీట్ చేసింది.
దీనికి స్పందిస్తూ.. యానిమల్ టీమ్ తమ మూవీ ఓటీటీ రిలీజ్ డేట్‌ను అధికారికంగా వెల్లడించింది. జనవరి 26వ తేదీన రిపబ్లిక్ డే కానుకగా రిలీజ్ చేస్తామంటూ నేరుగా కాకుండా పరోక్షంగా చెప్పింది.
నిజానికి సలార్ కూడా రిపబ్లిక్ డే నాడే ఓటీటీలోకి వస్తుందని అంతా భావించారు. కానీ ఆరు రోజుల ముందుగానే అందరికీ సర్‌ప్రైజ్ ఇస్తూ జనవరి 20నే నెట్‌ఫ్లిక్స్‌లో అందుబాటులోకి వచ్చింది. సలార్ తెలుగు, తమిళ వెర్షన్లు ఇండియాలో టాప్ ట్రెండింగ్ మూవీస్‌లో తొలి రెండు స్థానాల్లో నిలవగా.. కన్నడ వెర్షన్ 8, మలయాళ వెర్షన్ 10వ స్థానాల్లో ఉన్నాయి.
Recent Random Post:
