కోలీవుడ్ స్టార్ హీరో దళపతి విజయ్ ఇటీవల తమిళగ వెట్రి కళగం (టీవీకే) పార్టీని స్థాపించి రాజకీయాల్లో యాక్టివ్గా మారిన నేపథ్యంలో ఆయనపై విమర్శలు, వివాదాలు పెరుగుతున్నాయి. ముఖ్యంగా ఆయన కుటుంబ జీవితం, భార్య సంగీతతో విడాకుల రూమర్లు అలాగే సీనియర్ నటి త్రిష కృష్ణన్తో సంబంధం ఉందన్న ప్రచారం సినీ, రాజకీయ వర్గాల్లో పెద్ద చర్చకు దారి తీసింది. ఇప్పటివరకు ఈ విషయాలపై మౌనంగా ఉన్న విజయ్, తాజాగా జరిగిన భారీ రాజకీయ సభలో తొలిసారి స్పందించారు.
తమిళనాడు అసెంబ్లీ ఎన్నికలు సమీపిస్తున్న వేళ తిరునెల్వేలిలో నిర్వహించిన సభలో మాట్లాడిన విజయ్, తనపై వస్తున్న ఆరోపణలు పూర్తిగా రాజకీయ ఉద్దేశ్యాలతోనే సృష్టించబడుతున్నాయని స్పష్టం చేశారు. ఎన్నికల ముందు తనను బలహీనపరచడానికి ప్రత్యర్థులు కావాలనే కుట్రలు చేస్తున్నారని ఆయన ఆరోపించారు. తన వ్యక్తిగత జీవితాన్ని కూడా రాజకీయాల్లోకి లాగి దుష్ప్రచారం చేస్తున్నారని విమర్శించారు.
గతంలో కరూర్ తొక్కిసలాట ఘటన నుంచి మొదలుకొని, ఇటీవల తన సినిమా జన నాయగన్ వరకు అన్ని సందర్భాల్లోనూ తనను టార్గెట్ చేశారని విజయ్ పేర్కొన్నారు. ఆ సినిమాను అడ్డుకునే ప్రయత్నాలు కూడా జరిగాయని, అవి విఫలమైన తర్వాత ఇప్పుడు వ్యక్తిగత జీవితంపై దృష్టి పెట్టారని ఆయన ఆరోపించారు. ఎన్నికలకు కేవలం 30 రోజులు మాత్రమే ఉన్న సమయంలో ఇలాంటి రూమర్లు స్ప్రెడ్ చేయడం వెనుక స్పష్టమైన రాజకీయ ఉద్దేశ్యం ఉందని అన్నారు.
తనకు అత్యంత సన్నిహితులైన వారిని కూడా ఈ వివాదాల్లోకి లాగుతున్నారని విజయ్ ఆవేదన వ్యక్తం చేశారు. అయితే ఎవరి పేరును ప్రస్తావించకుండా, తనను ప్రజల నుంచి వేరు చేయాలన్న ప్రయత్నాలు ఎప్పటికీ ఫలించవని ధీమా వ్యక్తం చేశారు. ప్రజలే తన బలం అని స్పష్టం చేశారు.
ఈ వ్యాఖ్యలతో విజయ్ ఎట్టకేలకు తనపై వస్తున్న విడాకుల రూమర్లు, త్రిషతో రిలేషన్ ఆరోపణలపై పరోక్షంగా స్పందించినట్లయిందని సోషల్ మీడియాలో చర్చ జరుగుతోంది. ఆయన చేసిన ఈ కామెంట్స్ ఇప్పుడు రాజకీయ వర్గాల్లోనూ, సినీ వర్గాల్లోనూ హాట్ టాపిక్గా మారాయి.
Recent Random Post:
