వివేక్ అగ్నిహోత్రి పేరు ఇండియన్ సినీ ఇండస్ట్రీలో ప్రత్యేకమైన గుర్తింపు పొందింది. హేట్ స్టోరీ, జిద్, బుదాన్ ఇన్ ట్రాఫిక్ జామ్, జున్నో నియాత్ వంటి సినిమాలతో తనదైన మార్క్ చూపించిన ఆయన, ఆ తరువాత “ది తాష్కెంట్ ఫైల్స్”, “ది కశ్మీర్ ఫైల్స్”, “ది కశ్మీర్ ఫైల్స్ అన్రిపోర్టెడ్”, “ది వ్యాక్సిన్ వార్” చిత్రాలతో పాపులారిటీని మరింత పెంచుకున్నారు. ముఖ్యంగా ఫైల్స్ సిరీస్ ద్వారా ఆయనకు పెద్ద స్థాయిలో గుర్తింపు వచ్చింది.
ఈ ఫ్రాంచైజ్ విజయంతో వివేక్ తన కెరీర్ను కొత్త దిశగా మలుచుకున్నారు. గత కొన్ని సంవత్సరాలుగా ఆయన ఈ ఫైల్స్ కాన్సెప్ట్ను కొనసాగిస్తూనే ఉన్నారు. ప్రతీ సినిమా విజయవంతం కావడంతో దీనిని తన సక్సెస్ ఫార్ములాగా మార్చుకున్నారు. ప్రస్తుతం “ఢిల్లీ ఫైల్స్”, “బెంగాల్ ఫైల్స్” అనే రెండు చిత్రాలపై పని చేస్తున్నారు. తాజాగా “ది బెంగాల్ ఫైల్స్” టైటిల్ను “రైట్ లైఫ్” గా మార్చినట్టు ప్రకటించారు. 1940ల్లో బెంగాల్లో జరిగిన అల్లర్ల ఆధారంగా ఈ సినిమాను తెరకెక్కిస్తున్నారు.
వివేక్ ఎంచుకుంటున్న కాన్సెప్టులు ప్రేక్షకులను ఆకట్టుకుంటున్నాయి. తక్కువ బడ్జెట్లో రూపొందించినప్పటికీ మంచి కమర్షియల్ హిట్స్ అందుకుంటున్నాడు. అయితే ఇదే తరహా కథలు తీస్తున్నారనే విమర్శలు కూడా ఎక్కువయ్యాయి. నిరంతరం ఫైల్స్ ఆధారిత సినిమాలు చూసి ప్రేక్షకులు కొంత నిరాశకు లోనవుతున్నారు. తాజాగా ఓ నెటిజన్ సోషల్ మీడియాలో కామెంట్ చేస్తూ, “వివేక్ గారు, ఫైల్స్ సినిమాలు బాగానే ఉన్నాయి కానీ జానర్ మార్చి కొత్త కంటెంట్ తీస్తే బాగుంటుంది” అని సూచించారు.
అయితే సాధారణంగా వివేక్ అగ్నిహోత్రి సోషల్ మీడియాలో స్పందించడానికి వెనుకాడడు. విమర్శలపై తనదైన శైలిలో ఘాటైన సమాధానాలు ఇవ్వడం అతని ప్రత్యేకత. మరి ఈసారి నెటిజన్ సూచనపై ఆయన ఎలా స్పందిస్తారో చూడాలి.
Recent Random Post:
