టాలీవుడ్లో యంగ్ టాలెంట్గా వేగంగా ఎదుగుతున్న సంగీత్ శోభన్ మరోసారి వార్తల్లో నిలిచారు. ఓటీటీ కంటెంట్తో కెరీర్ ప్రారంభించిన ఆయన, తక్కువ సమయంలోనే మంచి క్రేజ్ సంపాదించుకోవడం విశేషం. ‘ది ఫ్యామిలీ స్టోరీ’, ‘ది బేకర్ అండ్ ది బ్యూటీ’ వంటి వెబ్ సిరీస్లతో ప్రేక్షకులకు దగ్గరైన సంగీత్, తర్వాత ‘మ్యాడ్’ సినిమాతో భారీ పాపులారిటీని అందుకున్నారు.
‘మ్యాడ్’ చిత్రంలో దామోదర్ (డిడి) పాత్రలో ఆయన చూపిన ఎనర్జీ, కామెడీ టైమింగ్ ప్రేక్షకులను విపరీతంగా ఆకట్టుకున్నాయి. ముఖ్యంగా సెకండాఫ్లో కథ ఎక్కువగా ఆయన పాత్ర చుట్టూ తిరగడం సినిమాకు పెద్ద ప్లస్గా మారింది. దీంతో ఆ సినిమా “వన్ మాన్ షో”గా కూడా అభివర్ణించబడింది. అదే జోష్ను కొనసాగిస్తూ వచ్చిన ‘మ్యాడ్ స్క్వేర్’లో కూడా సంగీత్ కామెడీ హైలైట్గా నిలిచింది.
కామెడీ టైమింగ్తో మంచి గుర్తింపు తెచ్చుకున్న సంగీత్పై దర్శక–నిర్మాతల్లో నమ్మకం పెరుగుతోందని ఇండస్ట్రీ వర్గాల్లో చర్చ నడుస్తోంది. అయితే అదే సమయంలో ఆయన రెమ్యూనరేషన్ విషయమై కూడా హాట్ టాపిక్గా మారింది. ‘మ్యాడ్ స్క్వేర్’కు ముందు ఆయన ఒక్క సినిమాకు సుమారు రూ.70 లక్షల నుంచి రూ.1 కోటి వరకు ఛార్జ్ చేసేవారని సమాచారం. కానీ ‘మ్యాడ్ స్క్వేర్’ హిట్ తర్వాత ఈ మొత్తం పెరిగినట్లు టాక్ వినిపిస్తోంది.
ప్రస్తుతం సంగీత్ శోభన్ ఒక్క సినిమాకు సుమారు రూ.1.5 కోట్లు డిమాండ్ చేస్తున్నారని ప్రచారం జరుగుతోంది. తన క్రేజ్, మార్కెట్ విలువ, ప్రమోషన్లలో యాక్టివ్గా ఉండటం వంటి అంశాల ఆధారంగా ఈ రేంజ్లో రెమ్యూనరేషన్ కోరుతున్నారని చెబుతున్నారు.
ఇక మెగా డాటర్ నిహారిక కొణిదెల నిర్మిస్తున్న ‘రాకాస’ సినిమాకు ఆయన ముందే కమిట్ అయినట్లు సమాచారం. ఈ ప్రాజెక్ట్ కోసం సుమారు రూ.2.7 కోట్ల వరకు రెమ్యూనరేషన్ తీసుకుంటున్నారని ఇండస్ట్రీలో టాక్ వినిపిస్తోంది. ఏప్రిల్ 3న విడుదలకు సిద్ధమవుతున్న ఈ సినిమా విజయం సాధిస్తే, సంగీత్ తన తదుపరి ప్రాజెక్ట్స్కు మరింత రెమ్యూనరేషన్ పెంచే ఆలోచనలో ఉన్నారని తెలుస్తోంది. అయితే ఈ విషయంపై అధికారికంగా ఇంకా స్పష్టత రావాల్సి ఉంది.
Recent Random Post:
