సినీ ఇండస్ట్రీలో ఎవరైనా ఫ్యామిలీ బ్యాక్గ్రౌండ్తో వస్తే వారికి ప్రారంభంలో కొంత అదనపు గుర్తింపు దక్కుతుంది. కానీ ఆ గుర్తింపును నిలబెట్టేది టాలెంట్ మాత్రమే. ప్రతిభ ఉంటేనే పరిశ్రమలో స్థిరపడగలుగుతారు. అలాంటి వారిలో ఒకరు సుధీర్ బాబు. ఘట్టమనేని కృష్ణకు అల్లుడు, మహేష్ బాబుకు బావగా ఉన్నప్పటికీ ఆయన ఎప్పుడూ తన సొంత కృషితో ఎదగాలని నిర్ణయించుకున్నారు.
ఇండస్ట్రీలోకి రావడానికి ఫ్యామిలీ సపోర్ట్ ఉన్నా, ఆ పేరును వాడుకొని అవకాశాలు సంపాదించాలనే ఆలోచన ఆయనకు లేదు. తన ప్రతిభతో, క్రమశిక్షణతో కెరీర్ని నిర్మించుకున్న సుధీర్ బాబు, ఒక్కో సినిమాలో కొత్తగా కనిపించేందుకు ప్రయత్నిస్తున్నారు.
ఇప్పుడు ఆయన నటించిన ‘జటాధర’ సినిమా నవంబర్ 7న ప్రేక్షకుల ముందుకు రానుంది. ఈ సందర్భంగా ప్రమోషన్స్లో బిజీగా ఉన్న సుధీర్ బాబును ఒక ఇంటర్వ్యూలో ఆసక్తికరమైన ప్రశ్న అడిగారు — “మహేష్ బాబును మీరు ఎలా పిలుస్తారు? ‘బావ’ అని అంటారా?” అని. దానికి సుధీర్ నవ్వుతూ, “నేను ఎప్పుడూ మహేష్ అని పిలుస్తాను. ఇప్పటివరకు ‘బావ’ అని పిలిచిన సందర్భమే లేదు. అలా పిలిస్తే కొంచెం సిగ్గేస్తుంది. కానీ ఒకసారి సరదాగా అలా పిలిస్తే ఆయన రియాక్షన్ ఎలా ఉంటుందో చూడాలనిపిస్తుంది” అని candidగా సమాధానమిచ్చారు.
సుధీర్ బాబు ఈ సమాధానంతో తన సరళతను, కుటుంబానికి ఉన్న గౌరవాన్ని మరోసారి చూపించారు. ఇదే కారణంగా ఆయనకు ఉన్న అభిమాన వర్గం రోజురోజుకూ పెరుగుతోంది.
Recent Random Post:
