పెద్ద సాహిత్యం లేదు. కానీ.. ఇట్టే పట్టేసేలా.. సింపుల్ గా రాసినట్లుగా ఉంది ‘పుష్ప’ మూవీలోని ‘ఊ అంటావా మావ.. ఊఊ అంటావా మావ’ ఐటెమ్ సాంగ్. తాజాగా విడుదలైన ఈ సాంగ్ కు బోలెడన్ని ప్రత్యేకతలు. ఊర నాటు పాటగా ఉన్న ఈ పాటను పాడిన గొంతు నుంచి మత్తు టన్నుల కొద్దీ పొంగిపొర్లుతూ.. అందరిని ఇట్టే అకర్షిస్తోంది. మరోవైపు.. ఈ పాటకు సంచలన తార సమంత కాలు కదపటం ఒక ఎత్తు అయితే.. దేవీ ప్రసాద్ కంపోజ్ చేసిన ఈ పాట ఇప్పుడు అందరి నోట నానుతోంది.
మోస్ట్ ఎవైటింగ్ మూవీగా బజ్ వచ్చేసిన బన్నీ ‘పుష్ప’ మొదటి భాగం వచ్చే వారం వెండితెర మీద సందడి చేయనుంది. ఈ పాన్ ఇండియా మూవీ మీద అంచనాలు భారీగా ఉన్నాయి. ఈ సినిమా కోసం తాజాగా సమంత చేసిన ఐటమ్ సాంగ్ ను విడుదల చేయటం.. విపరీతమైన ఆదరణ వెల్లువెత్తటం తెలిసిందే. ప్రస్తుతం హాట్ టాపిక్ గా మారిన ఈ పాటకు ఇప్పుడు కాపీ మరక అంటింది.
మగబుద్ధిని ఎత్తి చూపేలా సాగిన ఈ పాట అందరిని ఆకట్టుకునేలా సాగింది. అందులోని ఈ పాట వేరే వారు చేసి ఉంటే.. ఇంత ఆసక్తి వ్యక్తమయ్యేది కాదు. సమంత చేయటం.. ప్రస్తుతం ఆమె ఎదుర్కొంటున్న వ్యక్తిగత జీవిత సమస్యల వేళ.. మగాళ్ల బుద్ధిని చాటి చెప్పేలా ఉన్న ఈ పాట ఇప్పుడు హాట్ టాపిక్ గా మారింది. అయితే.. ఈ పాటను విన్న పలువురు.. దీన్ని ఎప్పుడో.. ఎక్కడో విన్నట్లుగా ఫీల్ కావటం.. ఆ వెంటనే దీని మూలాల్లోకి వెళ్లే ప్రయత్నం చేశారు.
అలాంటి ప్రయత్నాల్లో కొందరు సక్సెస్ కావటమే కాదు.. ఈ ఊర మాస్ పాట.. తమిళ హీరో సూర్య నటించిన ‘వీడొక్కడే’ మూవీలో హానీ.. హానీ.. పాట మాదిరి ఉందంటూ చెబుతున్నారు. ఈ ఐటమ్ సాంగ్ తో పుష్ప మరో స్థాయికి వెళ్లిందన్న మాట వినిపిస్తున్న వేళలోనే.. దీనికి కాపీ క్యాట్ అన్న ముద్ర పడటం.. దీనిపై సోషల్ మీడియాలో ట్రోల్స్ మొదలు కావటం గమనార్హం. మరి.. దీనికి యూనిట్ ఏమని చెబుతుందో చూడాలి.
Recent Random Post:
