కాజోల్ కంటే బాగా అర్థం చేసుకున్నట్టుంది

బాలీవుడ్ స్టార్ హీరో అజయ్ దేవగన్ – సీనియర్ నటి టబు మధ్య స్నేహం గురించి తెలిసిందే. ఆ ఇద్దరూ కొన్నేళ్లుగా స్నేహితులు. 2015 నుంచి వరుసగా కొన్ని విజయవంతమైన చిత్రాల్లో కలిసి నటించారు. ఇటీవల బ్లాక్ బస్టర్ విజయం సాధించిన దృశ్యంలోను కలిసి నటించారు. ఇప్పటికీ ఆ రిలేషన్ షిప్ స్నేహం చెక్కు చెదరలేదు. అంతేకాదు.. అజయ్ దేవగన్ వ్యక్తిగతంగా ఎలా ఉంటాడో అతడి సతీమణి కాజోల్ కూడా చెప్పలేనన్ని రహస్యాలను టబు తాజా ఇంటర్వ్యూలో రివీల్ చేయడం ఆశ్చర్యపరిచింది.

ప్రస్తుతం దేవగన్- టబు కలిసి నటించిన భోళా విడుదలకు సిద్ధమవుతోంది. ఈ సందర్భంగా తాజా ఇంటర్వ్యూలో టబు పలు విషయాలను ఓపెన్ గా చర్చించారు. అజయ్ దేవ్ గన్ తో టబు తన సమీకరణాన్ని వివరించిన తీరు ఆసక్తికరం. అజయ్ దేవగన్ తో తనకున్న బంధం గురించి.. సినిమాల్లో తన పాత్ర గురించి టబు ఓపెన్ గా చెప్పింది. ” అతను(దేవగన్) ఉద్విగ్నంగా ఉన్నప్పుడు లేదా రిలాక్స్ డ్ గా ఉన్నప్పుడు.. అతడిని ఎప్పుడు ఒంటరిగా వదిలేయాలో నాకు తెలుసు”.

జాతీయ ఉత్తమ నటిగా టబు తన కెరీర్ లో ఎన్నో ప్రయోగాత్మక పాత్రలతో మెప్పించింది. ఇప్పటికీ ప్రయోగాలకు వెనకాడని నైజం ఈ సీనియర్ నటి సొంతం. ఇటీవలే ‘ఏ సూటబుల్ బోయ్’ సిరీస్ లో టీనేజీ యువకుడు ఇషాన్ ఖట్టర్ తో రొమాన్స్ చేసి షాకిచ్చింది. టబు చాలా చిత్రాలలో పోలీసు పాత్రల్లో కనిపించింది. ఇటీవల అజయ్ దేవగన్ తో కలిసి ‘భోలా’లో కనిపించింది. ఇందులో IPS ఆఫీసర్ డయానా జోసెఫ్ పాత్రను పోషించింది. ఇటీవలి ఇంటర్వ్యూలో అజయ్ దేవగన్ తో తన ఈక్వేషన్ గురించి టబు మాట్లాడింది. భోళా చిత్రంలో తన పాత్ర గురించి ఓపెనైంది.

టబు – అజయ్ దేవగన్ చాలా చిత్రాలలో కలిసి పనిచేశారు. అతడి మూడ్ ఆలోచనలు ఎలా ఉంటాయో సంపూర్ణంగా తెలుసునని టబు అన్నారు. అతని చుట్టూ ఉన్న వాళ్లు అతడితో ఎలా పని చేయాలో మీకు బాగా అర్థమైందా? అని ప్రశ్నించగా…ఎక్కువ వివరించకుండా టబు ఇలా అన్నారు. ”అవును.. అతను ఏమి కోరుకుంటున్నాడో నాకు అర్థమైంది. నేను అతని మానసిక స్థితి-వ్యక్తిత్వం .. లైను బాగా అర్థం చేసుకున్నాను. అతను ఒక వ్యక్తిగా నాకు తెలుసు అతని ఇష్టాలు- అయిష్టాలు- అతను ఎలా పనిచేస్తాడు.. అతను వివరించడానికి ఎక్కువ పదాలను ఉపయోగించనప్పటికీ ఏం చెప్పాలనుకుంటున్నాడో అర్థమవుతూనే ఉంటుంది. అతనితో పని చేయడం సులభం.

అతన్ని ఎప్పుడు ఒంటరిగా వదిలేయాలో.. అతను టెన్షన్ గా ఉన్నప్పుడు లేదా రిలాక్స్ డ్ గా ఉన్నప్పుడు నాకు తెలుసు. ఇసిలియే షాయద్ ముఝే ఐసా లాగ్ నహీ రహా హై కి మైనే కిసీ డైరెక్టర్ కే సాథ్ కామ్ కియా హై.. అతడు ఈ సినిమాలో నటిస్తున్నందున కూడా సరదాగా అనిపించింది. నటీనటులుగా మేం విస్తృతంగా కలిసి పనిచేశాం. ఇటీవలి కాలంలో (దే దే ప్యార్ దే- గోల్ మాల్ ఎగైన్- దృశ్యం ఫ్రాంచైజీ చిత్రాలు) మేము ప్రతి చిత్రంలో ఒక ఆసక్తికరమైన రీతిలో జతకట్టాము. 2015 నుండి మా ప్రయాణం చాలా బలంగా ఉంది. స్థిరంగా మంచి రిలేషనన్ షిప్ తో ఉన్నాం. మా కాంబినేషన్ సినిమాలు బాగా కలిసివచ్చాయని నేను భావిస్తున్నాను.. అని అన్నారు.