టాలీవుడ్ ప్రముఖ నిర్మాత అల్లు అరవింద్ కుటుంబానికి ఇటీవల తీవ్ర విషాదం జరిగింది. ఆయన తల్లి, దివంగత అల్లు రామలింగయ్య సతీమణి కనకరత్నమ్మ (94) ఆగస్టు 30న స్వగతం అయ్యారు. కొద్దిరోజులుగా వృద్ధాప్య కారణంగా అనారోగ్యంతో బాధపడుతూ, ఆమె తన ఇంట్లోనే కన్నుమూశారు.
కనకరత్నమ్మ పెద్దకర్మను హైదరాబాద్ జూబ్లీహిల్స్లో నిన్న నిర్వహించారు. ఈ కార్యక్రమానికి మెగాస్టార్ చిరంజీవి, డిప్యూటీ సీఎం పవన్ కళ్యాణ్, రామ్ చరణ్ తదితరులు హాజరయ్యారు. అలాగే మాజీ ఉపరాష్ట్రపతి వెంకయ్య నాయుడు, కేటీఆర్ సహా పలువురు రాజకీయ ప్రముఖులు కూడా పాల్గొన్నారు.
కనకరత్నమ్మ మరణం తెలియగానే, అల్లు కుటుంబ సభ్యులు మొదట రెండు గంటలపాటు తీవ్ర భావోద్వేగంలో ఉన్నారని అల్లు అరవింద్ తెలిపారు. “మా తల్లి మమ్మల్ని విడిచి వెళ్లిపోయిందని బాధలో ఉన్నాం, కానీ కొద్దిసేపటికి ఆమెకు తుదిరోజు సంతోషంగా గడపాలని, ఆమె ఆత్మకు శాంతి లభించాలని అనుకున్నాం,” అని ఆయన వెల్లడించారు.
అల్లు రామలింగయ్యకు ముగ్గురు కుమార్తెలు, ఒక కుమారుడు ఉన్నారు. కుమారుడు అల్లు అరవింద్, కుమార్తెలు నవభారతి, వసంత లక్ష్మి, సురేఖ. అందులో పెద్ద కుమార్తె ఇప్పటికే మరణించారు. వసంత లక్ష్మి సినీ పరిశ్రమకు దూరంగా ఉంటే, సురేఖ మెగాస్టార్ చిరంజీవి సతీమణిగా సినీ ప్రపంచంలో ప్రసిద్ధి చెందారు.
ఇవే కాకుండా, కనకరత్నమ్మ మనవళ్లు అల్లు బాబీ, అల్లు అర్జున్, అల్లు శిరీష్, రామ్ చరణ్, సుస్మితలు టాలీవుడ్లో సక్సెస్ సాధిస్తూ, అల్లు మరియు మెగా కుటుంబాల వారసత్వాన్ని కొనసాగిస్తున్నారు.