నందమూరి బాలకృష్ణ ప్రస్తుతం చేస్తోన్న యాక్షన్ ఎంటర్టైనర్ అఖండ తర్వాత హిట్ చిత్రాల దర్శకుడు గోపీచంద్ మలినేని దర్శకత్వంలో సినిమా చేయనున్న విషయం తెల్సిందే. ఈ సినిమాకు సంబంధించిన ప్రీ ప్రొడక్షన్ పనులు శరవేగంగా సాగుతున్నాయి. నిజ జీవిత సంఘటనల నుండి ఇన్స్పైర్ అయ్యి గోపీచంద్ మలినేని ఈ కథను రాసుకున్నట్లు తెలుస్తోంది.
మైత్రి మూవీ మేకర్స్ ఈ చిత్రాన్ని నిర్మించనుంది. మరో రెండు నెలల్లో రెగ్యులర్ షూటింగ్ మొదలవుతుందని సమాచారం. ఇక గత కొన్ని రోజుల నుండి ఈ చిత్ర టైటిల్ విషయంలో రూమర్స్ షికార్లు చేస్తున్నాయి. ఈ చిత్రానికి టైటిల్ కన్ఫర్మ్ అయింది అంటున్నారు.
కానీ నిర్మాతలు ఈ విషయంపై క్లారిటీ ఇచ్చారు. “మా సినిమాపై మీ అందరి ఆసక్తికి ఆనందిస్తున్నాం. కానీ బాలయ్య 107వ సినిమాకు ఇంకా టైటిల్ కన్ఫర్మ్ అవ్వలేదు. సరైన సమయం వచ్చినప్పుడు మేమె టైటిల్ ను అధికారికంగా వెల్లడిస్తాం” అని ప్రకటన విడుదల చేసారు.
Recent Random Post:
