ప్రముఖ దర్శకుడు శంకర్ కు మరియు ఇండియన్ 2 నిర్మాణ సంస్థ మద్య నెల కొన్న వివాదం మరింతగా ముదురుతోంది. సినిమా నిర్మాణంను అనుకున్న సమయంలో పూర్తి చేయలేక పోయిన కారణంగా నిర్మాతలు ఇప్పటికే శంకర్ పై కోర్టుకు వెళ్లడం జరిగింది. పెద్ద ఎత్తున ఈ విషయం వివాదంగా మారింది. ప్రముక నిర్మాణ సంస్థ లైకా వారు ఈ వివాదాన్ని సింపుల్‌ గా వదిలేయాలని భావించడం లేదు. శంకర్ పై కక్ష సాధింపుకు పాల్పడుతున్నట్లుగా విమర్శలు వ్యక్తం అవుతున్నాయి. శంకర్ తదుపరి సినిమాలపై కూడా లైకా వారు ఆంక్షలు విధించారు.
శంకర్ ఇటీవలే టాలీవుడ్ స్టార్‌ రామ్‌ చరణ్‌ తో ఒక సినిమాను మొదలు పెట్టాడు. ఇదే సమయంలో బాలీవుడ్‌ లో అపరిచితుడు సినిమాను కూడా రీమేక్ చేసేందుకు సిద్దం అయ్యాడు. ఇలాంటి సమయంలో లైకా ప్రొడక్షన్‌ వారు వెంటనే నోటీసులు ఇవ్వడం జరిగింది. టాలీవుడ్ నిర్మాతల మండలి మరియు హిందీ సినిమా నిర్మాతల మండలికి శంకర్ మా సినిమా పూర్తి చేసే వరకు మరే సినిమాకు కమిట్ అవ్వకూడదు. అలా కమిట్ అయితే చట్ట రీత్యా నేరం అవుతుంది. కనుక ఆయనతో ఎవరు కూడా సినిమాలు చేయవద్దంటూ హెచ్చరిస్తున్నారు.
Recent Random Post:
