అల్లు అర్జున్ హీరోగా సుకుమార్ తెరకెక్కిస్తున్న భారీ యాక్షన్ ఎంటర్టైనర్ ”పుష్ప”. ఎర్రచందనం స్మగ్లింగ్ నేపథ్యంలో రూపొందుతున్న ఈ చిత్రంలో లారీ డ్రైవర్ పుష్పరాజ్ పాత్రలో బన్నీ నటిస్తున్నాడు. ఇందులో రష్మిక మందన్నా హీరోయిన్ గా నటిస్తుండగా. మలయాళ నటుడు ఫహద్ ఫాజిల్ విలన్ గా కనిపించనున్నాడు. ఇందులో ప్రకాష్ రాజ్ – జగపతిబాబు లతో పాటుగా హీరో కమ్ హాస్యనటుడు సునీల్ కీలక పాత్ర పోషిస్తున్న సంగతి తెలిసిందే.
ఇందులో సునీల్ పాత్ర తీరుతెన్నులు.. గెటప్ కొత్తగా ఉండటంతో పాటుగా అందరినీ షాక్ కు గురి చేస్తాయని టాక్ వినిపిస్తోంది. అంతేకాదు ‘పుష్ప’ చిత్రంలో సునీల్ చేస్తోంది నెగెటివ్ షేడ్స్ ఉన్న పవర్ ఫుల్ రోల్ అని తెలుస్తోంది. ‘డిస్కోరాజా’ ‘కలర్ ఫోటో’ చిత్రాల్లో విలన్ గా నటించి మెప్పించిన సునీల్ కోసం.. సుకుమార్ ఈ చిత్రంలో ఒక క్రేజీ క్యారక్టర్ ఇచ్చారని అంటున్నారు. సునీల్ కు జోడీగా యాంకర్ అనసూయ నటించనుందని సమాచారం. ఇద్దరూ ఇందులో చిత్తూరు యాసలో మాట్లాడనున్నారట. లాక్ డౌన్ కు ముందే వీరి కాంబినేషన్లో కొన్ని సన్నివేశాలను చిత్రీకరించారు. ‘పుష్ప’ సినిమా సునీల్ కెరీర్ లో మరొక టర్నింగ్ పాయింట్ అవుతుందేమో చూడాలి.
కాగా ‘పుష్ప’ చిత్రాన్ని రెండు భాగాలుగా విడుదల చేయనున్న సంగతి తెలిసిందే. ఇప్పటికే మొదటి భాగానికి సంబంధించిన మెజారిటీ షూటింగ్ పూర్తయింది. కరోనా సెకండ్ వేవ్ కారణంగా వాయిదా పడిన ఈ సినిమా షూటింగ్ ఈరోజు మంగళవారం తిరిగి ప్రారంభమైంది. ప్రస్తుతం సికింద్రాబాద్ లో ఈ సినిమా షూటింగ్ జరుగుతోందని సమాచారం. ఏకధాటిగా 40 రోజుల పాటు జరిగే ఈ షెడ్యూల్ తో ‘పుష్ప 1’ చిత్రానికి సంబంధించిన చిత్రీకరణ మొత్తం పూర్తికానున్నట్టు చిత్ర వర్గాలు తెలిపాయి. మైత్రీ మూవీ మేకర్స్ బ్యానర్ పై నవీన్ ఎర్నేని – రవిశంకర్ ఈ చిత్రాన్ని భారీ బడ్జెట్ తో నిర్మిస్తున్నారు. దేవి శ్రీ ప్రసాద్ ఈ చిత్రానికి సంగీతం సమకూరుస్తున్నారు.
Recent Random Post:
