ఈరోజు పవర్ స్టార్ పవన్ కళ్యాణ్ పుట్టినరోజు సందర్భంగా అప్డేట్స్ ల వెల్లువ వస్తోంది. ఒకటి తర్వాత ఒకటిగా పవన్ నటిస్తోన్న/నటించనున్న సినిమాలకు సంబంధించి అప్డేట్స్ ఇచ్చారు. ఆ క్రమంలోనే హరీష్ శంకర్ సినిమా అప్డేట్ కూడా వచ్చింది.
గబ్బర్ సింగ్ కాంబినేషన్ మళ్ళీ రిపీట్ కాబోతోన్న విషయం తెల్సిందే. పవన్ కళ్యాణ్ – హరీష్ శంకర్ కలిసి ఒక సినిమా చేయబోతున్నారు. ఈ నేపథ్యంలో స్పెషల్ పోస్టర్ ను విడుదల చేసారు. “ఈసారి కేవలం ఎంటర్టైన్మెంట్ మాత్రమే కాదు” అన్న క్యాప్షన్ ఆసక్తికరంగా ఉంది. జాతర షురూ అని హరీష్ శంకర్ అనడంతో మరింత భారీ లెవెల్లో ప్లాన్ చేసారని అర్ధమవుతోంది.
దేవి శ్రీ ప్రసాద్ ఈ సినిమాకు సంగీతం అందించనున్నాడు. మైత్రి మూవీ మేకర్స్ సంస్థ ఈ సినిమాను నిర్మిస్తోంది. పవన్ సన్నిహితుడు ఆనంద్ సాయి ఈ సినిమాకు వర్క్ చేస్తున్నాడు. త్వరలోనే ఈ సినిమా పట్టాలెక్కుతోంది.
Recent Random Post:
