పవన్ కళ్యాణ్‌ వరుసగా సినిమాలకు కమిట్ అవుతున్నాడు. ప్రస్తుతం ఆయన చేస్తున్న సినిమాల సంఖ్య చాలా పెద్దగా ఉంది. ఇటీవలే వకీల్‌ సాబ్‌తో ప్రేక్షకుల ముందుకు వచ్చిన పవన్ కళ్యాణ్‌ ఆ తర్వాత అయ్యప్పనుమ్‌ కోషియుమ్‌ మరియు హరిహర వీరమల్లు సినిమాలు చేస్తున్నాడు. ఇవి కాకుండా మరి కొన్ని సినిమాలు కూడా కమిట్ అయ్యి ఉన్నాడు. అందులో ఒకటి బండ్ల గణేష్‌ నిర్మాణంలో తెరకెక్కాల్సి ఉంది. ఇన్ని రోజులు ఆ సినిమాకు దర్శకుడు ఎవరు అంటూ అంతా చర్చించుకున్నారు. తాజాగా ఆ దర్శకుడిపై క్లారిటీ వచ్చింది.
బండ్ల గణేష్‌ ఇటీవల పవన్ కళ్యాణ్‌ కోసం ఒక కథను రెడీ చేయించి వినిపించాడట. ఆ కథను రమేష్ వర్మ దర్శకత్వంలో చేసేందుకు పవన్ ఓకే చెప్పాడని తెలుస్తోంది. ప్రస్తుతం రవితేజతో ఖిలాడీ అనే సినిమాను చేస్తున్న రమేష్ వర్మ ఇండస్ట్రీలో దర్శకుడిగా కెరీర్‌ ఆరంభించి చాలా ఏళ్లు అవుతుంది. అయినా కూడా కమర్షియల్‌ గా బిగ్‌ సక్సెస్‌ ను దక్కించుకోలేదు. అయినా కూడా ఆయన చెప్పిన కథ నచ్చడంతో పవన్ నటించేందుకు ఓకే చెప్పినట్లుగా తెలుస్తోంది. త్వరలోనే ఈ సినిమాకు సంబంధించిన అధికారిక ప్రకటన వచ్చే అవకాశం ఉంది. వచ్చే ఏడాదిలో ఈ సినిమా పట్టాలెక్కబోతుంది.
Recent Random Post:
