తెలుగు ప్రేక్షకులతో పాటు దేశ వ్యాప్తంగా సినీ అభిమానులు మరియు ప్రభాస్ అభిమానులు ఎంతో ఆసక్తిగా ఎదురు చూస్తున్న రాధేశ్యామ్ సినిమా ను జులై లో ప్రేక్షకుల ముందుకు తీసుకు రాబోతున్న విషయం తెల్సిందే. ఈ సినిమాలో హీరోయిన్‌ గా పూజా హెగ్డే నటిస్తోంది. 1980 బ్యాక్ డ్రాప్‌ లో రూపొందుతున్న ఈ అందమైన ప్రేమ కావ్యంలో ఇంకా పలువురు సినీ ప్రముఖులు మరియు స్టార్స్ కూడా కనిపించబోతున్నారు. పెద్ద ఎత్తున స్టార్ కాస్ట్‌ ఉన్న ఈ సినిమాలో ముద్దుగుమ్మ సిమ్రాన్ కౌర్ కూడా కీలక పాత్రలో కనిపించబోతున్నట్లుగా సమాచారం అందుతోంది.
మంచు మనోజ్‌ ‘పోటుగాడు’ సినిమాతో తెలుగు ప్రేక్షకులు పరిచయం అయిన సిమ్రాన్ కౌర్ ఆ తర్వాత మళ్లీ కనిపించలేదు. ఆ సినిమా నిరాశ పర్చడంతో తెలుగులో ఈమెకు ఆఫర్లు రాలేదు. ఇతర భాషల్లో అడపా దడపా సినిమాలు చేస్తూ వస్తున్న సిమ్రాన్ కు తెలుగులో ఎట్టకేలకు రాధేశ్యామ్ సినిమాలో కీలక పాత్రలో నటించే అవకాశం వచ్చింది. చిన్న పాత్ర అయినా కూడా ప్రభాస్ మూవీ అవ్వడం వల్ల పాన్ ఇండియా గుర్తింపు రావడం ఖాయం. దాదాపుగా ఎనిమిది ఏళ్ల తర్వాత రాబోతున్న ఈ అమ్మడికి ఈసారి లక్ కలిసి వచ్చి టాలీవుడ్‌ లో బిజీ అయ్యేనా చూడాలి.
Recent Random Post:
