టాలీవుడ్ లో అపజయం ఎరుగని దర్శకుడు దర్శకధీరుడు రాజమౌళి. తెలుగు సినిమా ఖ్యాతిని ప్రపంచవ్యాప్తంగా తీసుకెళ్లిన రాజమౌళి.. భారతదేశం గర్వించదగ్గ దర్శకులలో ఒకరిగా నిలిచారు. వెండితెరపై విజువల్ వండర్స్ క్రియేట్ చేసే జక్కన్న డ్రీమ్ ప్రాజెక్ట్ ‘మహాభారతం’. ఈ విషయాన్ని ఆయన స్వయంగా అనేక సందర్భాల్లో చెప్పుకొచ్చారు. ఈ సినిమాను తెరకెక్కించాలంటే ‘బాహుబలి’ కంటే పదింతలు ఎక్కువగా కష్టపడాలని.. 10 ఏళ్ళ సమయం పడుతుందని రాజమౌళి చెబుతుంటారు. అయితే రాబోయే మూడేళ్ళలో ఈ సినిమాని సెట్స్ పైకి తీసుకెళ్లే అవకాశం ఉందని తెలుస్తోంది.
ప్రస్తుతం రాజమౌళి ప్రతిష్టాత్మకంగా తెరకెక్కిస్తున్న చిత్రం ‘ఆర్.ఆర్.ఆర్’. ఎన్టీఆర్ – రామ్ చరణ్ లు హీరోలుగా నటిస్తున్న ఈ చిత్రాన్ని 450 కోట్ల బడ్జెట్ తో రూపొందిస్తున్నారు. ఇప్పటికే మెజారిటీ భాగం షూటింగ్ పూర్తి చేసుకున్న ఈ సినిమాపై భారీ అంచనాలు ఉన్నాయి. దీని తర్వాత సూపర్ స్టార్ మహేష్ బాబు హీరోగా దుర్గా ఆర్ట్స్ బ్యానర్ లో రాజమౌళి ఓ సినిమా చేయనున్నారు. ఈ క్రమంలో ‘మహాభారత’ ఘట్టాన్ని ఓ రేంజ్ లో తెరకెక్కించడానికి జక్కన్న ప్లాన్ చేస్తున్నాడట. చిత్రీకరణకు ఎక్కువ టైమ్ తీసుకోకుండా కంప్యూటర్ గ్రాఫిక్స్ ఇంటర్ ఫేస్ టెక్నాలజీని వాడుకొని ఈ సినిమాను తీయాలనే ఆలోచన చేస్తున్నారట.
ఇందులో ఇండియాలో ఉన్న స్టార్ హీరోలందర్ని తీసుకోవడానికి జక్కన్న స్కెచ్ వేస్తున్నాడని తెలిసింది. ఈ నేపథ్యంలో మెగాస్టార్ చిరంజీవి తో కూడా ఓ పాత్రని చేయించే అవకాశం ఉందని టాక్ నడుస్తోంది. చిరంజీవి సినిమాల్లోకి రీ ఎంట్రీ ఇచ్చిన తర్వాత వరుస సినిమాలతో దూసుకుపోతున్నారు. ‘సైరా’ వంటి చారిత్రాత్మక సినిమాలో కూడా నటించారు. ఈ క్రమంలో జక్కన్న ‘మహాభారతం’ లో చిరు నటించే అవకాశం ఉందని సినీ వర్గాలు అంటున్నాయి. చిరు తనయుడు రామ్ చరణ్ తో రాజమౌళి ఇప్పటివరకు ‘మగధీర’ ‘ఆర్.ఆర్.ఆర్’ వంటి సినిమాలు చేశారు. ఈ క్రమంలో చిరంజీవితో కూడా సినిమా చేస్తారో లేదో తెలియాలంటే ఇంకొన్నాళ్లు ఆగాల్సిందే.
Recent Random Post:
