ఎస్ ఎస్ రాజమౌళి ఒక్కో సినిమాతో ఎదుగుతూ ఇప్పుడు శిఖరాగ్రాన్ని చేరుకున్నాడు. బాహుబలి తర్వాత అంతకు మించిన చిత్రాన్ని తెరకెక్కిస్తున్నాడు. టాలీవుడ్ టాప్ స్టార్స్ అయిన రామ్ చరణ్, ఎన్టీఆర్ లతో ఆర్ ఆర్ ఆర్ ను రూపొందిస్తున్న విషయం తెల్సిందే. ఈ సినిమా ఒక్క పాట తప్ప షూటింగ్ మొత్తాన్ని పూర్తి చేసుకుంది.
వచ్చే నెలలో ఆ పాటను చిత్రీకరించనున్నారు. ఉక్రెయిన్ లో షూట్ చేయనున్న ఈ పాట టాలీవుడ్ చరిత్రలోనే అత్యంత ఖరీదైన సాంగ్ అని తెలుస్తోంది. ప్రస్తుతం దీనికి తగ్గ ఏర్పాట్లు సాగుతున్నాయి. రామ్ చరణ్, ఎన్టీఆర్, అలియా భట్, ఒలీవియా మోరిస్ లతో ఈ సాంగ్ ను పిక్చరైజ్ చేస్తారు.
బాహుబలిలో రాజమౌళి సాంగ్స్ పిక్చరైజేషన్ కు ప్రత్యేక గుర్తింపు వచ్చింది. ఈ సినిమాతో దాన్ని మరో లెవెల్ కు తీసుకెళ్లనున్నాడు. అక్టోబర్ 13న ఆర్ ఆర్ ఆర్ విడుదల కానున్న విషయం తెల్సిందే.
Recent Random Post:
