టాలీవుడ్ పవర్ స్టార్ పవన్ కళ్యాణ్ అభిమానులు, సినీ ప్రియులు ఎంతో ఆసక్తిగా ఎదురుచూస్తున్న మూవీ “ఓజీ” త్వరలో ప్రేక్షకుల ముందుకు రానుంది. ముంబై నేపథ్యంతో గ్యాంగ్స్టర్ డ్రామా శైలిలో తెరకెక్కుతోన్న ఈ సినిమా, దసరా కానుకగా సెప్టెంబర్ 25న థియేటర్లలోకి వస్తుంది. అభిమానులు ఎప్పుడైతే స్క్రీన్పై పవన్ ను చూసే అవకాశం ఉంటుందో ఆసక్తిగా ఎదురుచూస్తున్నారు.
ఇప్పటికే ప్రపంచవ్యాప్తంగా అడ్వాన్స్ బుకింగ్స్ మొదలయ్యాయి. చాలా చోట్ల టిక్కెట్లు ఇప్పటికే సొల్డ్ అవుతున్నాయి. సినిమా టిక్కెట్లు పొందడం కోసం ఫ్యాన్స్ పోటీ పడుతున్నారు. టిక్కెట్లు దొరికిన వారు సోషల్ మీడియాలో తమ ఆనందాన్ని పంచుకుంటున్నారు.
అంచనాల ప్రకారం, “ఓజీ” ప్రీ-సేల్స్ లో ఇప్పటికే రూ.30 కోట్లు పైగా వసూలు చేసింది. ట్రైలర్ రిలీజ్ తర్వాత ఈ సంఖ్య మరింత పెరగనుంది అని అంచనా. ఓవర్సీస్లో కూడా ప్రీమియర్స్ బుకింగ్స్ ద్వారా ఇప్పటివరకు 2 మిలియన్ డాలర్స్ పైగా వసూలు అయ్యాయి. ఇది పవన్ కళ్యాణ్ కెరీర్లో అతిపెద్ద ఓపెనర్గా నిలిచే అవకాశం ఉంది. ట్రైలర్ విడుదల తర్వాత 3 మిలియన్ డాలర్స్ మార్క్ను కూడా “ఓజీ” టచ్ చేయగలదు.
సినిమా విషయానికి వస్తే, యాక్షన్ ఎంటర్టైనర్గా సుజిత్ దర్శకత్వం వహిస్తున్న “ఓజీ”ని డీవీవీ ఎంటర్టైన్మెంట్స్ బ్యానర్ పై డీవీవీ దానయ్య నిర్మిస్తున్నారు. ప్రతిష్టాత్మకంగా ప్రాజెక్ట్ రూపొందించబడింది. సంగీతం ప్రముఖ తమన్ అందిస్తున్నాడు, బ్యాక్గ్రౌండ్ స్కోర్ కూడా ఆయనే రూపొందిస్తున్నారు.
పవర్ ఫుల్ రోల్లో పవన్ కళ్యాణ్ కనిపించనుండగా, ఆయన సరసన ప్రియాంక అరుల్ మోహన్ హీరోయిన్గా నటిస్తున్నారు. బాలీవుడ్ స్టార్ ఇమ్రాన్ హష్మీ విలన్ గా, ప్రకాశ్ రాజ్, అర్జున్ దాస్, సిరి లెళ్ల (నారా రోహిత్కు భవిష్యత్తు భార్య), శ్రియా రెడ్డి తదితరులు కీలక పాత్రల్లో నటిస్తున్నారు.
Recent Random Post:
