హీరో అవ్వాలనుకున్న ప్రతి యాక్టర్కి ఎవరైనా ఒకరిని రిఫరెన్స్గా తీసుకుంటారు. మెగాస్టార్ చిరంజీవి లా డ్యాన్స్, ఫైట్స్ చేయాలని ఎలా అనుకున్నారో, కమల్ హాసన్ లా నటించాలని కూడా అందరు అనుకుంటారు. చాలామందికి కమల్ హాసన్ స్పూర్తిగా నిలుస్తూ వచ్చారు. ఆయన ఏ పాత్రను చేసుకుంటే, ఆ పాత్రకు జీవం పోసుకుంటారు. అందుకే ఆయనను యూనివర్సల్ స్టార్ అని అంటారు.
కమల్ హాసన్ నటన గురించి ఎంత చెప్పినా తక్కువే. కమల్ అంటే ఇష్టం లేని హీరో ఉండరంటే అతిశయోక్తి కాదు. ఆయనను డిక్షనరీ లా ఫీల్ అయ్యే హీరోలు చాలామంది. ఈ క్రమంలో న్యాచురల్ స్టార్ నాని కూడా ఎప్పుడూ కమల్ హాసన్ నటన గురించి మాట్లాడుతూ, ఆయన యాక్టింగ్ స్కిల్స్పై ప్రశంసలు కురిపిస్తుంటాడు. ఇటీవల హిట్ 3 సినిమా షూటింగ్ సమయంలో కూడా, “హాయ్ నాన్న” సినిమాలో హాస్పిటల్ సీన్లో నటించేటప్పుడు కమల్ సార్ ఆ సీన్ గుర్తు వచ్చి, ఆ స్కిన్లోనే చేశా” అని అన్నాడు నాని.
కమల్ హాసన్ నటించిన “విరుమాండి” సినిమాలో ఆయన చేసిన కోర్టు సీన్ గురించి నాని ప్రత్యేకంగా చెప్పాడు. ఆ సీన్లో కమల్ హాసన్ నిద్రపోతూ, అలా సహజంగా నటించిన విధానం వేరే లెవెల్ లో ఉంటుంది. ఆ సీన్ తనకు చాలా ఇష్టమని, అందుకే 100 సార్లు చూశానని చెప్పాడు నాని. కమల్ హాసన్ నటనను రిఫరెన్స్గా తీసుకుని, నాని తన “హాయ్ నాన్న” సినిమాలో కూడా ఆ తరహా యాక్టింగ్ చేశానని చెప్పాడు.
తన న్యాచురల్ యాక్టింగ్తో ఫ్యాన్స్ను అలరించుకుంటున్న నాని, కొత్త కథలతో, కొత్త టాలెంట్తో ప్రేక్షకులను ఆకట్టుకుంటున్నారు. ప్రస్తుతం “హిట్ 3” సినిమాతో మరోసారి ప్రేక్షకుల ముందుకు రాబోతున్న నాని, ఈ సినిమాతో కూడా తన మార్క్ హిట్ కొట్టాలని చూస్తున్నారు. వరుస సక్సెస్లతో దూసుకెళ్తున్న నాని, ఈ సినిమాతో ఒక సూపర్ హిట్ను టార్గెట్ చేసుకున్నాడు. ఈ సినిమా నిర్మాతగా కూడా నాని, ప్రేక్షకులకు ఒక ఇంటెన్స్ మాస్ క్రైమ్ థ్రిల్లర్ను అందించనున్నారు.
Recent Random Post:
