టాలీవుడ్లో తనదైన శైలిలో విభిన్నమైన సినిమాలు ఎంచుకుంటూ ముందుకు సాగుతున్న హీరో సుమంత్ మరోసారి తన వ్యాఖ్యలతో వార్తల్లో నిలిచారు. తాజాగా తన సోదరి సుప్రియ యార్లగడ్డ నిర్మించిన డెకాయిట్ సినిమా ప్రీ రిలీజ్ ఈవెంట్లో పాల్గొని చేసిన కామెంట్స్ ఇప్పుడు సోషల్ మీడియాలో వైరల్గా మారాయి.
కెరీర్ ప్రారంభం నుంచే కమర్షియల్ ఫార్మాట్కే పరిమితం కాకుండా కథాబలం ఉన్న చిత్రాలను ఎంచుకుంటూ ప్రత్యేక గుర్తింపు సంపాదించుకున్న సుమంత్, హీరోగా మాత్రమే కాకుండా కీలక పాత్రల్లో కూడా నటిస్తూ తన నటనలో కొత్త కోణాలను చూపిస్తున్నారు. గత ఏడాది వచ్చిన అనగనగా సినిమాతో విమర్శకుల ప్రశంసలు అందుకున్న ఆయన, ప్రస్తుతం వరుస ప్రాజెక్టులతో బిజీగా ఉన్నారు.
ఈ క్రమంలో డెకాయిట్ ప్రీ రిలీజ్ ఈవెంట్లో సుమంత్ చేసిన సరదా వ్యాఖ్యలు అందరి దృష్టిని ఆకర్షించాయి. “నేను సినిమాలు చాలా చూస్తాను. నిజానికి నేను ఎక్కువగా ఏఎంబీ థియేటర్లోనే ఉంటాను (నవ్వుతూ). షూటింగ్స్ లేనప్పుడు అక్కడే ఎక్కువ సమయం గడుపుతాను. సాధారణంగా సినిమా బాగుంటేనే చూస్తాం. కానీ అడివి శేష్ సినిమా అయితే అలా ఆలోచించాల్సిన అవసరం లేదు. ఆయన పోస్టర్లో ముఖం కనిపిస్తేనే ఒక నమ్మకం వస్తుంది” అంటూ ఆయన చెప్పిన మాటలు హైలైట్గా మారాయి.
అడివి శేష్ తన సినిమాల ఎంపికలో చూపుతున్న క్రమశిక్షణ, కథలపై ఉన్న నమ్మకం కారణంగానే ఈ స్థాయి విశ్వాసం ఏర్పడిందని సుమంత్ పరోక్షంగా అభిప్రాయపడ్డారు. ఈ వ్యాఖ్యలు ప్రస్తుతం సోషల్ మీడియాలో వైరల్ అవుతూ అభిమానుల్లో చర్చకు దారితీస్తున్నాయి.
ఇక డెకాయిట్ విషయానికి వస్తే, ఇది లవ్, యాక్షన్, ఫ్యామిలీ ఎమోషన్స్ కలగలిపిన కథగా తెరకెక్కుతోంది. అడివి శేష్ సరసన మృణాల్ ఠాకూర్ హీరోయిన్గా నటిస్తున్నారు. ఇప్పటికే విడుదలైన టీజర్, ట్రైలర్ సినిమాపై మంచి అంచనాలు పెంచాయి.
షానియల్ డియో దర్శకత్వంలో తెరకెక్కుతున్న ఈ చిత్రాన్ని అన్నపూర్ణ స్టూడియోస్ సమర్పణలో ఎస్ఎస్ క్రియేషన్స్, సునీల్ నారంగ్ ప్రొడక్షన్ బ్యానర్లపై సుప్రియ యార్లగడ్డ, సునీల్ నారంగ్ సంయుక్తంగా నిర్మిస్తున్నారు. కథ, స్క్రీన్ప్లేను అడివి శేష్, దర్శకుడు కలిసి అందించగా, అబ్బూరి రవి డైలాగ్స్ రాశారు.
ధనుష్ భాస్కర్ సినిమాటోగ్రఫీ అందించగా, భీమ్స్ సిసిరోలియో సంగీతం అందిస్తున్నారు. అనురాగ్ కశ్యప్, ప్రకాశ్ రాజ్, అతుల్ కులకర్ణి తదితరులు కీలక పాత్రల్లో నటిస్తున్నారు.
ఏప్రిల్ 10న ప్రపంచవ్యాప్తంగా విడుదలకు సిద్ధమవుతున్న డెకాయిట్ బాక్సాఫీస్ వద్ద ఎలా రాణిస్తుందో చూడాలి. సుమంత్ చేసిన కామెంట్స్ మాత్రం సినిమాపై మరింత ఆసక్తిని పెంచాయి.
Recent Random Post:
