మిల్కీ బ్యూటీ తమన్నా భాటియా గత కొంతకాలంగా సరైన అవకాశాలు లభించక ఇబ్బందులు ఎదుర్కొంటున్న విషయం తెలిసిందే. ముఖ్యంగా సింగిల్ స్పెషల్ సాంగ్లలో మాత్రమే కనిపించటం, ఆమె ప్రధాన పాత్రల అవకాశాలు తగ్గిపోతున్నాయని అనుమానాలు కలిగించింది.
కానీ ఇప్పుడు తమన్నా తన కేరియర్ రూట్ను మార్చుతూ, ప్రతి అడుగులోనూ ప్రేక్షకులను ఆకట్టుకుంటూ మళ్లీ తన పూర్వ వైభవాన్ని తిరిగి సంపాదించడానికి ప్రయత్నాలు చేస్తున్నారు.
అందులో భాగంగా, తాజాగా కోలీవుడ్లో సుందర్ సి దర్శకత్వంలో విశాల్ హీరోగా వస్తున్న ‘పురుషన్’ సినిమాలో హీరోయిన్గా నటిస్తున్నారు. ఈ చిత్రాన్ని తెలుగులో ‘మొగుడు’ పేరుతో విడుదల చేయనున్నారు. సినిమా నుంచి విడుదలైన టీజర్ కూడా ప్రేక్షకులను విపరీతంగా ఆకట్టుకున్నది.
ఇంకా ఆసక్తికర విషయం ఏమిటంటే, తమన్నా సౌత్ మాత్రమే కాకుండా నార్త్ ఇండియాలోనూ రెండు స్టార్ హీరోల సినిమాల్లో అవకాశం దక్కించుకున్నారు. బాలీవుడ్ మీడియా కథనాల ప్రకారం, ప్రముఖ బాలీవుడ్ హీరోలు సంజయ్ దత్ మరియు అజయ్ దేవగన్ కలసి చేస్తున్న ‘రేంజర్’ సినిమాలో తమన్నా నటిస్తున్నారని సమాచారం. ఇది పూర్తి యాక్షన్ ఎంటర్టైనర్గా హై వోల్టేజ్ సన్నివేశాలతో ప్రేక్షకుల ముందుకు రానుందని భావిస్తున్నారు.
తమన్నా పాత్ర శక్తివంతంగా, నటనకు ప్రాధాన్యత కలిగిన రోల్ కావడంతో, ఈ సినిమాపై అంచనాలు పెరుగుతున్నాయి. స్టార్ తారాగణంతో కూడిన యాక్షన్-ఓరియెంటెడ్ సినిమా కాబట్టి రేంజర్ ఇప్పటికే ప్రేక్షకుల దృష్టిని ఆకర్షించింది. ఈ సినిమాలో అవకాశంతో తమన్నా మళ్లీ తన పూర్వ వైభవాన్ని పొందగలరా అనే చర్చలు కూడా తలెత్తాయి.
తమన్నా 2005లో చాంద్ షా రోషన్ ‘చెహ్రా’ సినిమా ద్వారా ఇండస్ట్రీలో పరిచయం అయ్యారు. ఈ సినిమా డిజాస్టర్గా నిలిచింది. తర్వాత కొన్ని ఆల్బమ్ సాంగ్స్లో కనిపించిన ఆమె 2006లో ‘శ్రీ’ సినిమా ద్వారా తెలుగు ప్రేక్షకులకు పరిచయమయ్యారు. అదే ఏడాదిలో కేడీ సినిమా ద్వారా తమిళ సినిమాల్లో అడుగుపెట్టారు. 2007లో హ్యాపీడేస్ సినిమాలో నటించి కెరీర్లో స్థిరపడారు.
తరువాత వరుసగా రామ్ చరణ్, అల్లు అర్జున్, ప్రభాస్, ఎన్టీఆర్ వంటి స్టార్ హీరోలతో జతకట్టి, స్టార్ హీరోయిన్గా గుర్తింపు పొందారు. ఒక సమయంలో అత్యధిక రెమ్యూనరేషన్ పొందిన హీరోయిన్గా కూడా ఆమె గుర్తింపు దక్కించారు.
ఈ మధ్యకాలంలో స్పెషల్ సాంగ్లలో మాత్రమే కనిపిస్తున్న తమన్నా, ఇప్పుడు మళ్లీ హీరోయిన్గా ప్రేక్షకులను అలరించడానికి సిద్ధమవుతున్నారు.
Recent Random Post:
