పెళ్లి తర్వాత జీవితంలో మార్పులు వస్తాయనే మాట సినీ సెలబ్రిటీలకూ వర్తిస్తుందన్న సంగతి మరోసారి రుజువైంది. వరుస ఫ్లాప్లతో వెనుకబడ్డ అక్కినేని నాగచైతన్య, పెళ్లి తర్వాత తండేల్ రూపంలో భారీ బ్లాక్బస్టర్ను అందుకున్నాడు. హిట్ కొట్టకపోతే ఇంట్లో పరువు పోతుందని తండేల్ ప్రమోషన్లో చెప్పిన చైతూ, సినిమా ఘన విజయం సాధించడంతో ఊపిరిపీల్చుకున్నాడు.
నాగచైతన్య, శోభిత ధూళిపాళ్ల కొంతకాలంగా ప్రేమలో ఉన్న సంగతి తెలిసిందే. 2023 డిసెంబర్లో వీరు పెళ్లి చేసుకున్నారు. అయితే తండేల్ ప్రొమోషన్ కారణంగా వీరి హనీమూన్ ఆలస్యమైంది. ఇటీవలే మెక్సికో వెళ్తూ తమ కొత్త జీవితాన్ని ఎంజాయ్ చేశారు.
ఇటీవల Vogue ఇంటర్వ్యూలో చైతన్య తన భార్య శోభిత గురించి ఆసక్తికర విషయాలను పంచుకున్నాడు. శోభిత తెలుగులో చాలా స్పష్టంగా మాట్లాడతుందని, ఈ విషయం తనను చాలా ఆకర్షిస్తుందని చెప్పాడు. “మన ఇంట్లో అందరూ తెలుగులోనే మాట్లాడతారు. కానీ నేను చెన్నైలో చదువుకోవడంతో తమిళం ఎక్కువగా అలవాటైంది. బయట ఎక్కువగా తమిళం, ఇంగ్లీష్లోనే మాట్లాడుతాను. ఇంట్లో కూడా ఎక్కువగా ఇంగ్లీష్నే వాడుతాను” అని చైతూ తెలిపాడు.
అంతేకాదు, తన తెలుగు శోభిత తెలుగు ముందు పని చేయదని, అందుకే ఆమెకు తెలుగులో నేర్పించమని చెబుతుంటానని తెలిపాడు. శోభిత చాలా తెలివైన వ్యక్తి అని, “నీ తెలివి నాకు కూడా ఇవ్వమని ఆమెను తక్కువగా చెప్పుకుంటుంటాను” అంటూ చైతూ సరదాగా పేర్కొన్నాడు.
అంతే కాకుండా, శోభిత ఫోటోల్లో పెద్దగా నవ్వదని, కాస్త నవ్వుతూ దిగొచ్చి అంటే – ‘లోపల నేను నవ్వుతూనే ఉన్నాను, మీరే చూడలేకపోతున్నారు’ అని చెప్పిందని చైతన్య గుర్తుచేశాడు. పెళ్లి ఫంక్షన్ మొత్తం శోభితే దగ్గరుండి ప్లాన్ చేసిందని, ఆమె ఓర్గనైజింగ్ స్కిల్స్ అదుర్స్ అని చెప్పుకొచ్చాడు.
మొత్తానికి పెళ్లి తర్వాత నాగచైతన్య జీవితంలో అనేక మార్పులు చోటుచేసుకున్నాయి. తండేల్ హిట్, కొత్త జీవితం, హనీమూన్, పెళ్లి అనుభవాలతో చైతూ ఫుల్ హ్యాపీ మూడ్లో ఉన్నట్టు కనిపిస్తున్నాడు!
Recent Random Post:
