టాలీవుడ్లో యాక్టివ్ గా ఉన్న నిర్మాతల్లో సితార ఎంటర్టైన్మెంట్స్ అధినేత ఎస్. నాగవంశీ పేరు ముందే చెప్పాలి. హిట్ సినిమాలతో తనకంటూ ఓ ప్రొడ్యూసర్ మార్క్ ఏర్పరచుకున్న నాగవంశీ ప్రస్తుతం నిర్మాతగానే కాదు, డిస్ట్రిబ్యూటర్గా కూడా భారీ స్థాయిలో Gamble చేస్తున్నారు. రాబోయే మూడు వారాల్లో మూడు సినిమాల విడుదల ఉండటంతో ఆయన కెరీర్లో ఇదొక కీలక ఘట్టంగా నిలవనుంది.
మొదటగా, విజయ్ దేవరకొండ – గౌతమ్ తిన్ననూరి కాంబినేషన్లో రూపొందిన “కింగ్డమ్” ఈ నెల 31న ప్రపంచవ్యాప్తంగా గ్రాండ్ రిలీజ్ కానుంది. సైకాలాజికల్ యాక్షన్ థ్రిల్లర్ నేపథ్యంలో తెరకెక్కిన ఈ చిత్రం విజయ్ కెరీర్లోనే అత్యంత భారీ బడ్జెట్ మూవీగా పేరొందుతోంది. సినిమాపై మాస్ ఆడియెన్స్లో మంచి హైప్ ఉండటంతో ప్రమోషన్లు కూడా గ్రాండ్గా ప్లాన్ చేస్తున్నారు.
ఆగస్టు 14న, నాగవంశీ డిస్ట్రిబ్యూటర్గా తీసుకున్న భారీ బాలీవుడ్ చిత్రం “వార్ 2” విడుదల కానుంది. ఎన్టీఆర్ బాలీవుడ్ ఎంట్రీ మూవీగా వస్తున్న ఈ సినిమాపై తెలుగు ఆడియెన్స్లో ఇప్పటికే భారీ అంచనాలు ఉన్నాయి. అదే రోజు రజినీకాంత్ “కూలీ” కూడా రిలీజ్ కావడంతో థియేటర్ల వద్ద గట్టి పోటీ కనిపించనుంది. అయినా నాగవంశీ డిస్ట్రిబ్యూషన్ పరంగా పెద్ద స్కేల్ రిలీజ్ ప్లాన్ చేస్తున్నారు.
ఇవే కాకుండా, ఆగస్టు 27న రవితేజ “మాస్ జాతర” సినిమా విడుదలకు సిద్ధమవుతోంది. సితార ఎంటర్టైన్మెంట్స్ బ్యానర్పై మాస్ ఎలిమెంట్స్తో రూపొందిన ఈ సినిమా రవితేజకి కమర్షియల్గా తీయాల్సిన హిట్గా మారాల్సిన పరిస్థితి ఉంది.
ఈ మూడు సినిమాల మీద నాగవంశీ పెట్టిన మొత్తం పెట్టుబడి రూ. 200 కోట్లకు పైగానే ఉండే అవకాశం కనిపిస్తోంది. నిర్మాతగా రూ. 100 కోట్లకుపైగా, డిస్ట్రిబ్యూటర్గా రూ. 70–80 కోట్లు రిస్క్ చేశారు. ఒకవేళ ఈ మూడు సినిమాలు సక్సెస్ అయితే, భారీ లాభాలు వచ్చే ఛాన్స్ ఉన్నా… ఒక సినిమా ఫెయిల్ అయినా, లాస్ మిగలే ప్రమాదం ఉంది. అందుకే నాగవంశీ ఇప్పట్నించే థియేటర్ ప్లానింగ్, ప్రమోషన్ల విషయంలో చాలా స్ట్రాటజిక్గా ముందుకెళ్తున్నారు.
సంక్షిప్తంగా చెప్పాలంటే, ఇవే మూడు వారాల్లో మూడు విజయాలు అందుకుంటే, నాగవంశీ టాలీవుడ్లో నిర్మాణ–డిస్ట్రిబ్యూషన్ రంగాల్లో అగ్రస్థానంలో నిలవడం ఖాయం!
Recent Random Post:
