జాతీయ క్రష్గా గుర్తింపు పొందిన రష్మికా మందన్నా పాన్ ఇండియా స్థాయిలో దూసుకుపోతున్న నటి. టాలీవుడ్ నుంచి పాన్ ఇండియా రేంజ్కి వెళ్లిన అరుదైన హీరోయిన్లలో రష్మిక ఒకరు. స్టార్ హీరోలతో బ్యాక్ టు బ్యాక్ సినిమాలు చేస్తూ బాలీవుడ్లోనూ బిజీగా మారిపోయింది. ఆమె పాపులారిటీకి బ్రాండ్లు క్యూలో నిలుస్తుండగా, వందల కోట్ల విలువైన కమర్షియల్ డీల్స్ ఆమెను వేచి చూస్తున్నాయి.
కానీ ఈ విజయం అంతా బయట వరకే పరిమితమైంది అనిపించేలా ఉంది. ఎందుకంటే రష్మికా సొంత రాష్ట్రం అయిన కన్నడలో మాత్రం ఆమెపై నెగటివ్ వెబ్ మరింత బలంగా వ్యాపిస్తోంది. రక్షిత్ శెట్టితో విడాకుల తరువాత ఆ వివాహం విఫలమయ్యేలా చేశిందనేలా ఆమెను టార్గెట్ చేస్తూ మీడియా కథనాలు వెలువడ్డాయి.
అంతే కాకుండా, కొన్ని కన్నడ సినిమాలకు రష్మిక నో చెప్పినప్పటి నుంచి స్థానిక సినీ పరిశ్రమలో ఆమెపై విమర్శలు పెరిగాయి. ఓ సందర్భంలో “నేను తెలుగు బిడ్డనే” అని రష్మిక చేసిన వ్యాఖ్య కన్నడ అభిమానుల ఆగ్రహాన్ని తెప్పించింది. అప్పటి నుంచే “సొంత భాషను నిర్లక్ష్యం చేస్తున్నావా?” అనే విమర్శలు తరచూ వినిపిస్తున్నాయి.
ఇటీవల కన్నడలో ఓ ప్రముఖ ఫిల్మ్ ఫెస్టివల్కు ఆమెకు ఆహ్వానం అందినా, రష్మిక హాజరు కాలేకపోయింది. దాంతో మళ్లీ సోషల్ మీడియాలో ఆమెపై వ్యతిరేకత మళ్ళీ చెలరేగింది. ఈసారి అయితే కొన్ని రాజకీయ నాయకుల వరకూ వ్యతిరేకత వెళ్లింది. కొడవ కమ్యూనిటీ నుంచి రష్మిక మాత్రమే హీరోయిన్ అన్న తీరును నిలదీసారు. “ప్రేమ, శ్వేత చెంగప్ప, నిధి సుబ్బయ్యలు కూడా ఉన్నారు” అంటూ వారు గుర్తు చేశారు.
ఒకవేళ పాన్ ఇండియా స్థాయిలో రష్మిక ఎంత ముందుకెళ్లినా… సొంత నేల మీద మాత్రం ఆమెకి మద్దతు తగ్గిపోవడం గమనించదగిన విషయం. రచ్చలో విజయం సాధించినా… ఇంట్లో మాత్రం ఓటమి తప్పడం లేదనే వాస్తవాన్ని రష్మిక మరోసారి ఎదుర్కొంటోంది.
Recent Random Post:
