కన్నడ సినిమాతో కెరీర్ను ప్రారంభించిన శ్రీలీల, ఆ తరువాత టాలీవుడ్లో అడుగుపెట్టి తక్కువ కాలంలోనే సక్సెస్ఫుల్ హీరోయిన్గా స్థిరపడింది. ఇటీవలి కొన్ని చిత్రాలు పెద్ద విజయం సాధించకపోయినా, ఆమెకు ఆఫర్లు మాత్రం తగ్గలేదు. కేవలం తెలుగులోనే కాకుండా పలు భాషల్లో కూడా తన ప్రతిభను చూపిస్తోంది.
ప్రస్తుతం తెలుగులో పవర్ స్టార్ పవన్ కళ్యాణ్ సరసన ఉస్తాద్ భగత్ సింగ్తో పాటు మరికొన్ని క్రేజీ ప్రాజెక్టుల్లో నటిస్తున్న శ్రీలీల, బాలీవుడ్ ఎంట్రీకి కూడా సిద్ధమైంది. అదేవిధంగా, తమిళంలో సుధా కొంగర దర్శకత్వంలో, శివకార్తికేయన్ హీరోగా తెరకెక్కుతున్న పరాశక్తిలోనూ నటిస్తోంది.
ఇప్పుడు ఆమె మరో క్రేజీ తమిళ ప్రాజెక్ట్ను దక్కించుకుంది. గుడ్ బ్యాడ్ అగ్లీ తరువాత అజిత్ కుమార్, అధిక్ రవిచంద్రన్ కాంబినేషన్లో వస్తున్న కొత్త సినిమా (AK64 – వర్కింగ్ టైటిల్)లో శ్రీలీల కీలక పాత్రలో కనిపించనుంది. ప్రస్తుతం ప్రీ-ప్రొడక్షన్లో ఉన్న ఈ సినిమా ఈ అక్టోబర్లో షూటింగ్ మొదలుపెట్టి, 2026 సమ్మర్లో విడుదల చేయాలని ప్లాన్ చేస్తున్నారు.
అయితే, శ్రీలీల ఈ చిత్రంలో అజిత్కు హీరోయిన్గా కాకుండా మరో ముఖ్యమైన పాత్రలో నటించనుంది. అజిత్ సరసన హీరోయిన్గా నటించే అవకాశమున్నది కేజీఎఫ్ ఫేమ్ శ్రీనిధి శెట్టికి, మరియు ఈ విషయంపై మేకర్స్ చర్చలు జరుపుతున్నారు. ఆసక్తికరంగా, శ్రీలీల అసలు గుడ్ బ్యాడ్ అగ్లీలోనే అజిత్తో జోడీ కట్టాల్సింది కానీ ఆ పాత్ర చివరికి ప్రియా ప్రకాశ్ వారియర్కి వెళ్లింది.
AK64ను రోమియో పిక్చర్స్ బ్యానర్పై రాహుల్ నిర్మిస్తుండగా, అనిరుధ్ సంగీతం అందిస్తున్నారు. స్టార్ కాస్ట్, టెక్నికల్ టీమ్తో ఈ ప్రాజెక్ట్ పై భారీ అంచనాలు నెలకొన్నాయి.
Recent Random Post:
