యాక్షన్ కింగ్ అర్జున్ దర్శకత్వం వహించిన ‘సీతా పయనం’ ప్రీ-రిలీజ్ వేడుక యూనిక్ కాన్సెప్ట్తో అందరి దృష్టిని ఆకర్షించింది. ఫిబ్రవరి 14న ఈ సినిమా ప్రేక్షకుల ముందుకు రానుంది. నిరంజన్, ఐశ్వర్య హీరోహీరోయిన్లుగా నటించిన ఈ చిత్రాన్ని శ్రీరామ ఫిలింస్ నిర్మించింది.
ఈ ప్రీ-రిలీజ్ ఈవెంట్కు యాక్షన్ కింగ్ అర్జున్తో పాటు హాస్య బ్రహ్మ బ్రహ్మానందం తదితర ప్రముఖులు హాజరయ్యారు. అనూప్ రూబెన్స్ సంగీతం ఈ సినిమాకు ప్రధాన ఆకర్షణగా నిలవనుంది. ముఖ్యంగా ఈ వేడుకలో కేవలం గ్లామర్కే పరిమితమవకుండా, సమాజానికి సేవ చేస్తున్న రియల్ హీరోలను ఆహ్వానించి సన్మానించడం ప్రత్యేకంగా నిలిచింది. డాక్టర్ ప్రకాష్ ఆమ్టే, దుశ్చర్ల సత్యనారాయణ, ట్యాంక్ బండ్ శివ వంటి వారిని ఘనంగా గౌరవించారు.
ప్రీ-రిలీజ్ వేడుకలో మాట్లాడిన అర్జున్, ఈ సినిమాను కేవలం ఒక ప్రాజెక్ట్గా కాకుండా తన మనసుకు అత్యంత దగ్గరైన కథగా భావిస్తున్నానని తెలిపారు. కమర్షియల్ హంగులతో పాటు మానవత్వాన్ని ప్రతిబింబించే కథగా ‘సీతా పయనం’ రూపుదిద్దుకుందని చెప్పారు. వాలెంటైన్స్ డే సందర్భంగా విడుదలవుతున్న ఈ చిత్రం ప్రేక్షకులకు ఒక కొత్త అనుభూతిని అందిస్తుందని ఆయన ధీమా వ్యక్తం చేశారు. అలాగే సాయి మాధవ్ బుర్రా రాసిన సంభాషణలు సినిమాకు ప్రాణం పోశాయని ప్రత్యేకంగా ప్రశంసించారు.
ఈ వేడుకలో రియల్ హీరోలను సన్మానించడం వెనుక తన ఉద్దేశాన్ని కూడా అర్జున్ వివరించారు. డాక్టర్ ప్రకాష్ ఆమ్టే చేసిన త్యాగం ఏ సినిమా హీరో చేసే పనికన్నా వేల రెట్లు గొప్పదని అన్నారు. అలాగే 70 ఎకరాల అడవిని పెంచి పక్షులకు అంకితం చేసిన దుశ్చర్ల సత్యనారాయణను ప్రకృతి ప్రేమికులకు ఆదర్శంగా కొనియాడారు. వందలాది ప్రాణాలను కాపాడిన ట్యాంక్ బండ్ శివ గురించి అర్జున్ భావోద్వేగంగా మాట్లాడారు. ఈ రియల్ హీరోల సేవలకు మద్దతుగా ఒక్కొక్కరికి లక్ష రూపాయల చెక్కును అందించడం తనకు ఎంతో తృప్తినిచ్చిందని తెలిపారు.
తన కుమార్తె ఐశ్వర్య గురించి మాట్లాడుతూ, తండ్రిగా కాకుండా ఒక దర్శకుడిగా ఆమె నటన పట్ల గర్వంగా ఉందని అర్జున్ చెప్పారు. ఐశ్వర్య తన పాత్రను ఎంతో పరిణితితో పోషించిందని, ముఖ్యంగా భావోద్వేగ సన్నివేశాల్లో తన ప్రతిభను నిరూపించుకుందని ప్రశంసించారు. ఆమెకు మంచి భవిష్యత్తు ఉండాలని ఆకాంక్షించారు.
ట్యాంక్ బండ్ శివ తనను చిన్నప్పటి నుంచి హీరోగా ఆరాధిస్తున్నాడని తెలిసి ఆశ్చర్యపోయానని, కానీ నిజానికి శివనే ఒక నిజమైన హీరో అని అర్జున్ అన్నారు. వందలాది ప్రాణాలను కాపాడటం దైవ కార్యంతో సమానమని పేర్కొంటూ, శివ లాంటి అభిమాని తనకు ఉండటం గర్వకారణమని చెప్పారు. శివ, ఆయన భార్య శాంతల మధ్య ఉన్న అనుబంధం, వారి నిరాడంబరత తనను ఎంతో ఆకట్టుకుందని తెలిపారు.
Recent Random Post:
