తెలుగమ్మాయ్ శోభిత ధూళిపాలకు ఈ ఏడాది ఎంతో స్పెషల్ అని చెప్పాలి. ఇటీవల వరుసగా రెండు బ్లాక్ బస్టర్ లతో లక్కీ ఛామ్ గా వెలిగిపోతోంది. గూఢచారితో టాలీవుడ్ ఆరంగేట్రం అనంతరం `మేజర్` లాంటి పాన్ ఇండియా బ్లాక్ బస్టర్ తో శోభిత పేరు మరోసారి మార్మోగింది. ఇప్పుడు మోస్ట్ అవైటెడ్ వెబ్ సిరీస్ `మేడ్ ఇన్ హెవెన్` సహా `ది నైట్ మేనేజర్` సినిమాల విడుదల కోసం వేచి చూస్తోంది. ఇటీవల ఈ బ్యూటీ
బ్యాక్ టు బ్యాక్ షూటింగులు రిలీజ్ ప్రమోషన్ లతో బిజీ బిజీగా గడిపేస్తోంది.
శోభితా ధూళిపాళ ఇటీవల `పొన్నియిన్ సెల్వన్: 1`లో వానతి పాత్రలో తన అద్భుతమైన నటనతో అందరినీ ఆకట్టుకుంది. తదుపరి బ్యాక్ టు బ్యాక్ చిత్రాల్లో వైవిధ్యమైన పాత్రల్లో మెప్పించనుంది. తెలుగమ్మాయ అద్భుతమైన నటనను చూడటానికి అభిమానులు అంతే ఆసక్తిగా ఎదురుచూస్తున్నారు.
ఇంతలోనే దేవ్ పటేల్ సరసన నటించిన హాలీవుడ్ చిత్రం `ది మంకీ మ్యాన్`కి డబ్బింగ్ చెప్పింది. తన సోషల్ మీడియాలో స్టూడియో నుండి ఒక ఫోటోని షేర్ చేసింది. ఈ ఫోటోలో డబ్బింగ్ చెబుతూ కనిపించింది. దేవ్ పటేల్ నటించి దర్శకత్వం వహించిన `ది మంకీ మ్యాన్`తో మరోసారి మెప్పించడం ఖాయమని శోభిత ధీమాను కనబరుస్తోంది. ఈ మూవీ కోసం డబ్బింగ్ చెబుతున్నా #డబ్ #మంకీమ్యాన్ అంటూ ఆనందంగా వెల్లడించింది. `ది మంకీ మ్యాన్` శోభిత నటిస్తున్న తొలి హాలీవుడ్ ప్రాజెక్ట్. ఇందులో ఆమె దేవ్ పటేల్- షార్ట్ లో కోప్లీ – సికందర్ ఖేర్ తదితరులు నటిస్తున్నారు.
బ్లాక్ బస్టర్ సీక్వెల్ లోనూ..?
అడివి శేష్ `గూఢచారి` చిత్రంలో అద్భుతమైన అతిథి పాత్రతో మెప్పించిన శోభిత మేజర్ తర్వాత మరోసారి శేష్ సరసన నటించనుందని సమాచారం. శోభిత ఇటీవల బాలీవుడ్ లో వరుస ఆఫర్లతో దూసుకుపోతున్నా టాలీవుడ్ పై ప్రత్యేక ప్రేమను కనబరుస్తోంది. గూఢచారి సీక్వెల్ లో కనిపించే ఛాన్స్ లేకపోయినా శేష్ తో తదుపరి చిత్రంలో శోభిత నటించే ఛాన్సుందని గుసగుసలు వినిపిస్తున్నాయి.
ఆ పాత్ర చాలా ప్రత్యేకం..!
బాలీవుడ్ లో అత్యంత ప్రతిష్ఠాత్మకంగా తెరకెక్కుతున్న `ది నైట్ మేనేజర్`లో ఆదిత్య రాయ్ కపూర్ – అనిల్ కపూర్ లాంటి దిగ్గజాలతో కలిసి శోభిత కీలక పాత్రలో నటిస్తోంది. రీమేక్ లో ఎలిజబెత్ డెబిక్కీ పాత్రను తిరిగి పోషించనుందని గుసగుస వినిపిస్తోంది. ఆదిత్య రాయ్ కపూర్ ఒరిజినల్ నుండి టామ్ హిడిల్ స్టన్ పాత్రలో నటిస్తారు. నైట్ మేనేజర్ రీమేక్ ఇటీవల శ్రీలంకలో ప్రారంభమైంది. ఇందులో శోభితా ధూళిపాళ కథానాయికగా ఫిక్సయ్యింది.
Recent Random Post:
