“ఆర్య” సినిమాతో తెలుగు చిత్రసీమకు దర్శకుడిగా పరిచయమైన సుకుమార్, కొద్ది కాలంలోనే టాలీవుడ్లో టాప్ క్రియేటివ్ డైరెక్టర్గా నిలిచిపోయాడు. ఆయన సినిమాలు బాక్సాఫీస్ వద్ద ఎంతగా విజయవంతం అయ్యాయోకానీ, ప్రతి చిత్రానికి ఉండే ప్రత్యేక గౌరవం ఎప్పుడూ నిలిచిపోయేలా ఉంటుంది.
తన సినిమాల కథలు, టేకింగ్, అంచనాలను మించిన ట్రీట్మెంట్ ద్వారా ప్రేక్షకులను ఎప్పుడూ ఆకట్టుకునే సుకుమార్, పుష్ప ముందు వరకు టాలీవుడ్ స్థాయిలోనే క్రేజ్ కలిగిన దర్శకుడు. కానీ, పుష్ప: ది రైస్ అనంతరం ఆయన పేరు ఇండియన్ సినిమా లెవెల్ కు వెళ్లిపోయింది. ఇప్పుడు దేశవ్యాప్తంగా స్టార్ డైరెక్టర్లలో సుకుమార్ ఒకరు.
పుష్ప మేజిక్ – క్రేజ్ పెంచిన సుకుమార్!
పుష్ప సినిమాతో సుకుమార్ సాధించిన విజయానికి సరిసమానమైన దృష్టాంతం లేదనే చెప్పాలి. ఈ సినిమాతో అల్లు అర్జున్ “స్టైలిష్ స్టార్” నుంచి “ఐకాన్ స్టార్”గా మారాడు, రష్మిక నేషనల్ లెవెల్ లో స్టార్ అయింది. ఇక పుష్ప సిరీస్కు దేవీ శ్రీ ప్రసాద్ అందించిన సంగీతం గురించి ప్రత్యేకంగా చెప్పాల్సిన అవసరం లేదు.
సుకుమార్, దేవీ శ్రీ ప్రసాద్ కలిసి పని చేసే ప్రతిసారీ మ్యాజిక్ రిపీట్ అవుతుంది. దేవీ శ్రీ ప్రసాద్ ఇతర దర్శకులతో చేసిన సినిమాల కన్నా, సుకుమార్ సినిమాలకు ఇచ్చే మ్యూజిక్ పూర్తిగా డిఫరెంట్ గా ఉంటుంది. ఈ ఇద్దరి మధ్య ఉన్న క్రియేటివ్ అండర్స్టాండింగ్, సినిమాపై ఉన్న ప్యాషన్ కారణంగా హిట్ ఆల్బమ్స్ వస్తున్నాయి. ఇప్పటివరకు సుకుమార్ దర్శకత్వంలో వచ్చిన ప్రతీ సినిమాకు దేవీనే సంగీతం అందించాడు, అదే విషయం రీసెంట్గా “Pushpa 2 Thanks Meet” లో సుకుమార్ వెల్లడించాడు.
“నా పేరు సుకుమార్ కాదు.. సుకుమార్ దేవీ శ్రీ ప్రసాద్!”
ఈ ఈవెంట్లో సుకుమార్ మాట్లాడుతూ, “నా అసలైన పేరు సుకుమార్ దేవీ శ్రీ ప్రసాద్. ఇప్పటివరకు నేను తీసిన ప్రతీ సినిమాకు దేవీనే సంగీతం అందించాడు. దేవీ లేకుండా నేను ఒక్క సినిమా కూడా చేయలేను, ఇక ముందూ చేయను” అని చెప్పాడు.
పుష్ప 2 కోసం బ్యాక్గ్రౌండ్ స్కోర్ విషయంలో ఇతర మ్యూజిక్ డైరెక్టర్లను కూడా తీసుకోవడంతో, సుకుమార్-దేవీ జోడీ భవిష్యత్తులో కొనసాగదేమో అని అనుకున్నారు. కానీ సుకుమార్ చేసిన వ్యాఖ్యలు చూస్తుంటే వారి మధ్య బాండింగ్ ఇప్పటికీ గట్టి పటిష్టంగానే ఉందని స్పష్టంగా అర్థమవుతోంది.
Recent Random Post:
