సిద్ధు జొన్నలగడ్డ హీరోగా నీరజ కోన దర్శకత్వంలో రూపొందిన తెలుసు కదా సినిమా థియేట్రికల్ విడుదల సమయంలో మిశ్రమ స్పందన పొందింది. పీపుల్ మీడియా ఫ్యాక్టరీ నిర్మించిన ఈ చిత్రంలో శ్రీనిధి శెట్టి, రాశి ఖన్నా హీరోయిన్లుగా నటించారు. మహిళా దర్శకురాలు నీరజ కోన చేసిన ప్రయత్నం ప్రశంసలు అందుకున్నా, సినిమా మొత్తం ప్రేక్షకులను పూర్తిగా ఆకట్టుకోలేకపోయింది. అందుకే కొందరు థమ్స్ అప్ ఇస్తే, మరికొందరు థమ్స్ డౌన్ ఇచ్చారు.
థియేటర్స్లో పెద్దగా సత్తా చూపలేకపోయిన ఈ చిత్రం, ఇప్పుడు ఓటీటీలో తన అదృష్టాన్ని పరీక్షించుకోబోతోంది. తెలుసు కదా డిజిటల్ స్ట్రీమింగ్ హక్కులను నెట్ఫ్లిక్స్ భారీ మొత్తానికి సొంతం చేసుకోగా, నేటి నుంచే సినిమా ఓటీటీలో అందుబాటులోకి వచ్చింది. థియేటర్లలో సగటు ఫలితం సాధించిన ఈ సినిమా ఓటీటీ ఆడియన్స్ను ఎంతవరకు ఆకట్టుకుంటుందనే ఆసక్తి పెరిగింది.
సిద్ధు జొన్నలగడ్డ తన పాత్రలో మరోసారి నటనతో మెప్పించాడు. రాశి ఖన్నా, శ్రీనిధి శెట్టి కూడా తమ పాత్రల్లో న్యాయం చేశారు. ముఖ్యంగా శ్రీనిధి తన గ్లామర్తో ఆకట్టుకోగా, రాశి ఖన్నా కూడా మంచి ప్రదర్శన ఇచ్చింది. ఇటీవలి కాలంలో థియేట్రికల్గా ఫ్లాప్ అయిన కొన్ని సినిమాలు ఓటీటీలో బాగానే హిట్ అవుతున్న నేపథ్యంలో తెలుసు కదా కూడా ఓటీటీలో మంచి పేరు తెచ్చుకోవచ్చని కొందరు భావిస్తున్నారు.
ఓటీటీ రిలీజ్ నేపథ్యంలో దర్శక–నిర్మాతలు కూడా ప్రేక్షకుల స్పందన కోసం ఎదురు చూస్తున్నారు. థియేట్రికల్గా పెద్దగా కలెక్షన్స్ రాకపోయినా, ఓటీటీలో సినిమా నచ్చితే సోషల్ మీడియాలో చర్చలు వేడెక్కే అవకాశం ఉంది. దీంతో సినిమా అసలు ఫలితం ఓటీటీ టాక్ మీదే ఆధారపడి ఉంటుందనే చెప్పొచ్చు.
Recent Random Post:
