కాప్ సింగం పంచ్ డైలాగులు చెబుతూ శత్రువులను చిత్తు చేయగలడు. సింహం కంటి చూపుతోనే చంపేస్తానని చెప్పగలడు. కానీ ఏ డైలాగ్ లేకుండా హీరో-విలన్ ఫేస్‌ఆఫ్ సన్నివేశాన్ని ఎలా ప్రెజెంట్ చేయాలి? కేవలం హావభావాలతోనే ఒక పాత్రను భీకరంగా చూపించడం సాధ్యమేనా? ఇదే సాధించి చూపాడు సందీప్ రెడ్డి వంగా, అందుకే ఆయనను ప్రత్యేక దర్శకుడిగా ప్రశంసిస్తున్నారు.
యానిమల్ సినిమాలో అబ్రార్ పాత్రను ఆయన అందించిన తీరు ప్రేక్షకులకు కొత్త అనుభూతిని కలిగించింది. పరిమితమైన స్క్రీన్ ప్రెజెన్స్ ఉన్నా, ఆ తక్కువ సమయంలోనే బాబీ డియోల్ అబ్రార్ పాత్రను అమితమైన పవర్‌ఫుల్ క్యారెక్టర్‌గా నిలబెట్టాడు. అయితే, ఆ పాత్రకు అసలు పవర్ ఇచ్చింది వంగా ట్రీట్‌మెంట్ అనే విషయం స్పష్టంగా తెలుస్తుంది.
ఈ పాత్రను అలా మౌనంగా ఎలా తీర్చిదిద్దారు అనే ప్రశ్నకు సందీప్ వంగా ఓ ఇంటర్వ్యూలో ఆసక్తికరమైన వివరణ ఇచ్చాడు. మనం ఇప్పటివరకు చాలా సినిమాల్లో హీరో-విలన్ మధ్య మాటల తూటాలు పేలినట్లు చూసాము. ఫోన్‌లో ఒకరిని ఒకరు తిట్టుకోవడం, పంచ్ డైలాగులు విసురుకోవడం, ఎవరో ఒకరు పైచేయి సాధించేలా మాటల తారతమ్యం చూపించడం తెలిసిందే. కానీ ఈసారి భిన్నంగా చేయాలని అనుకున్నాను. అబ్రార్ పాత్రను భయంకరంగా, సైకోలా చూపించాలంటే మాటల అవసరం లేదనిపించింది. అందుకే అతడిని మూగ, చెవిటిగా తీర్చిదిద్దాను.
సినిమా మొదటి భాగం పూర్తిగా రణబీర్ పాత్ర తండ్రిపై ప్రేమను, అనుబంధాన్ని చూపించడంపైనే ఉంటుంది. ఆ తర్వాత అబ్రార్ పాత్ర ప్రవేశిస్తుంది. మన సినిమాల్లో విలన్లు ఎక్కువగా విపరీతమైన సంభాషణలు చెబుతూ ఉంటారు. కానీ ఈసారి క్లైమాక్స్‌లో విలన్ పాత్రను మాటలేమీ లేకుండా భయపెట్టేలా మలచాలని అనుకున్నా. అది చాలా ఎగ్జైటింగ్ ఆలోచనగా అనిపించింది.
యానిమల్ తర్వాత బాబీ డియోల్ కెరీర్ మళ్లీ ఊపందుకుంది. దక్షిణాదిలో వరుసగా భారీ ఆఫర్లు వస్తున్నాయి. అతని నటనను ప్రశంసించని వారు లేరు. అదే విధంగా త్రిప్తి దిమ్రీ పాత్రను కూడా సందీప్ వంగా ఎంతో బలంగా మలిచాడు. దాంతో ఆమెకు పాన్-ఇండియా స్థాయిలో గుర్తింపు దక్కింది. ఇక రణబీర్ కపూర్ కెరీర్‌లో యానిమల్ మరో మైలురాయిగా నిలిచింది. అతడిని పాన్-ఇండియన్ స్టార్‌గా మార్చిన ఘనత సందీప్ వంగా దే.
విలన్ అంటే మాటలతో భయపెట్టే వాడేగాక, మాటలు లేకుండా హావభావాలతోనే భయానక అనుభూతిని కలిగించేలా తీర్చిదిద్దడం కూడా సాధ్యమేనని సందీప్ వంగా నిరూపించాడు. ఇది భవిష్యత్‌లో డైరెక్టర్లకు ఒక మేల్కొలుపుగా నిలిచే విశేషమైన ప్రయోగం.
Recent Random Post:
