సెలబ్రిటీ ప్రపంచంలో విడాకుల వార్తలు వరుసగా వినిపిస్తున్నాయి. తాజాగా ప్రముఖ మలయాళ నటి మీరా వాసుదేవన్ తన మూడో వివాహం కూడా విడాకులతో ముగిసిందని అధికారికంగా ప్రకటించింది. 43 ఏళ్ల మీరా, సినిమాటోగ్రాఫర్ విపిన్ పుతియంకంను గత సంవత్సరం ఏప్రిల్లో వరసగా పెళ్లి చేసుకుంది. అయితే ఈ దాంపత్యం ఆగస్టు 2025తో ముగిసిపోయిందని వెల్లడించింది.
ఇటీవల ఇన్స్టాగ్రామ్లో ఒక నోట్ షేర్ చేసిన మీరా—
“ఆగస్టు 2025 నుంచి నేను సింగిల్. నా జీవితంలో అత్యంత ప్రశాంతమైన, అద్భుతమైన దశలో ఉన్నాను” అని పేర్కొంది. #Focused, #Blessed, #Gratitude వంటి హ్యాష్ట్యాగులతో తన భావాలను వ్యక్తం చేసింది. అలాగే, విపిన్తో జరిగిన పెళ్లి ఫోటోలన్నింటినీ సోషల్ మీడియా నుంచి తొలగించేసింది.
ప్రముఖ వెబ్సైట్ కథనం ప్రకారం, మీరా—విపిన్ జోడీ మొదటగా ‘కుటుంబం విలక్కు’ సీరియల్ సెట్స్లో కలుసుకున్నారు. గత సంవత్సరం కోయంబత్తూరులో వీరి వివాహం జరగగా, ఏడాదిలోపే విడాకులు ప్రకటించడం అందరిని ఆశ్చర్యచకితులను చేసింది.
ఇది మీరా వాసుదేవన్కు మూడో విడాకులు.
• ఆమె మొదటి భర్త, సినిమాటోగ్రాఫర్ అశోక్ కుమార్ కుమారుడు విశాల్ అగర్వాల్. 2005లో పెళ్లి చేసుకుని 2010లో విడిపోయారు.
• 2012లో నటుడు జాన్ కొక్కెన్ను వివాహమాడిన మీరా, ఒక కొడుకు ఉన్న ఈ జంట 2016లో విడిపోయింది.
• ఇప్పుడు మూడో భర్త విపిన్ పుతియంకంతో కూడా విడాకులు ప్రకటించింది.
సినీ ప్రయాణం విషయానికి వస్తే—
మీరా మలయాళంలో తన్మాత్ర, ఒరువన్, వైరం: ఫైట్ ఫర్ జస్టిస్, ఆమ్ ఆహ్ వంటి చిత్రాలతో మంచి గుర్తింపు పొందింది. బాలీవుడ్లో మిలింద్ సోమన్తో రూల్స్: ప్యార్ కా సూపర్ హిట్ ఫార్ములా, సైఫ్ అలీ ఖాన్–రాణి ముఖర్జీతో తారీ జిందగీ తోడా మ్యాజిక్, మాధవన్ నటించిన 13B చిత్రాల్లో నటించింది. తమిళంలో ఉన్నై సరనదైంతెన్, అరివుమణి చిత్రాలతో గుర్తింపు సంపాదించింది.
Recent Random Post:
