టాలీవుడ్‌లో ప్రస్తుతం పెద్ద సంచలనం సృష్టిస్తున్న లావణ్య – మస్తాన్ సాయి కేసు రోజుకో మలుపు తిరుగుతోంది. ఇటీవల లావణ్య ఇచ్చిన ఫిర్యాదుతో నార్సింగి పోలీసులు మస్తాన్ సాయిని అదుపులోకి తీసుకున్నారు. ఈ కేసులో అతనితో పాటు ఖాజా అనే యువకుడిని కూడా అరెస్ట్ చేసినట్లు సమాచారం. వీరిద్దరూ కలిసి లావణ్యను బెదిరించి, మానసికంగా వేధించారని ఫిర్యాదులో పేర్కొనడం జరిగింది.
ఈ కేసులో మస్తాన్ సాయి పై బిఎన్ఎస్ యాక్ట్‌(329(4), 324(4), 109, 77, 78 సెక్షన్ల) కింద పోలీసులు కేసు నమోదు చేశారు. పోలీసులు దర్యాప్తు చేస్తూ మస్తాన్ సాయి వద్ద నుండి అనేక కీలక ఆధారాలను స్వాధీనం చేసుకున్నారు. అతని ల్యాప్‌టాప్, రెండు హార్డ్ డిస్క్‌లు, రెండు సెల్‌ఫోన్లు పోలీసులు తనిఖీ చేశారు. ఇందులో 200కి పైగా ప్రైవేట్ వీడియోలు ఉన్నట్లు తెలుస్తోంది. ఈ వీడియోలు కేసుకు కీలక సాక్ష్యాలుగా మారాయి.
లావణ్యతో పాటు మరికొంతమంది యువతులను మస్తాన్ సాయి మోసం చేశాడని ఆరోపణలతో పోలీసులు విచారణను వేగవంతం చేశారు. తాజాగా, లావణ్య నార్సింగి పోలీస్‌స్టేషన్‌కు వెళ్లి, మీడియాతో మాట్లాడారు. తన ప్రాణాలకు ముప్పు ఉన్నట్లు, గత కొన్ని రోజులుగా తనను బెదిరిస్తున్నట్లు ఆమె వెల్లడించారు. ఆమె ప్రకారం, “నేను ఇచ్చిన ఫిర్యాదుపై స్టేట్‌మెంట్ రికార్డు చేసేందుకు పోలీసులు దగ్గరకు వెళ్లాను. కానీ ఇంకా నాకు బెదిరింపు కాల్స్ వస్తూనే ఉన్నాయి. మస్తాన్ సాయి, అతని తల్లిదండ్రులు నన్ను చంపేందుకు ప్రయత్నిస్తున్నారు. నాకు మానసికంగా, శారీరకంగా వేధిస్తున్నారు. నా దగ్గర హార్డ్ డిస్క్ ఉందని తెలిసి, దాన్ని దొంగిలించేందుకు ప్రయత్నించారు. ప్రాణభయం కారణంగా నా జీవితమే కుదుటపడడం లేదు” అని లావణ్య చెప్పారు.
ఇంకా, లావణ్య తన వద్ద సరైన సాక్ష్యాలు లేకపోవడంతో ఓపిక పట్టానని, కానీ ఇప్పుడు లభించిన ఆధారాలను పోలీసులు అందజేశానని తెలిపారు. మస్తాన్ సాయి తనపై అనేక కుట్రలు పన్నాడని, ఈ కేసును పక్కదారి పట్టించే ప్రయత్నాలు జరుగుతున్నాయని ఆమె ఆరోపించారు. “న్యాయం జరగాల్సిందే. నేను ఎంత వరకు పోరాడాల్సి వస్తే అంత వరకు పోరాడతాను” అని ఆమె స్పష్టం చేశారు.
ఈ కేసు ఇంకా మళ్ళీ కొత్త కోణాలతో ముందుకురావచ్చని, మస్తాన్ సాయి ఫోన్ నుంచి బయటపడిన డేటా ప్రకారం మరికొంతమందిపై కేసులు నమోదు చేసే అవకాశం ఉందని తెలుస్తోంది. టాలీవుడ్ ఇండస్ట్రీకి చెందిన కొన్ని ప్రముఖుల వ్యక్తిగత వీడియోలు కూడా ఈ డేటాలో ఉన్నట్లు సమాచారం. ఈ కేసులో మరింత విచారణతో నూతన విషయాలు బయటపడతాయని అనుమానాలు వ్యక్తమవుతున్నాయి.
న్యాయం జరిగే వరకు లావణ్య వెనక్కి తగ్గబోమని, పోలీసులు మరింత వేగవంతంగా విచారణ జరిపి న్యాయం చేయాలని ఆమె స్పష్టం చేశారు.
Recent Random Post:
