సంగీతానికి సందర్భాన్ని అనుసరించి బాణీలు ఇవ్వడం ఒక శైలి అయితే, సందర్భాన్నే తన సంగీతానికి అనుగుణంగా మలచడం మరో స్థాయి క్రియేటివిటీ. ఈ రెండో శైలితోనే ఏ.ఆర్. రెహమాన్ నుంచి ఎప్పటికీ ఊహించని కొత్త సంగీత ప్రయోగాలు వెలుగులోకి వచ్చాయి. ఇళయరాజా తర్వాత వచ్చిన అనేక సంగీత దిగ్గజాల మధ్య కూడా రెహమాన్ సృష్టించిన సంగీత వేవ్ను దాటడం చాలా మందికి సాధ్యపడలేదు.
గత దశాబ్దంలో ఇళయరాజా వారసుడు యువన్ శంకర్ రాజా, రెహమాన్ శిష్యుడిగా పేరు పొందిన హారిస్ జైరాజ్, అలాగే అనిరుధ్ రవిచంద్రన్ వంటి కొద్దిమంది యువ సంగీత దర్శకులే ఇండస్ట్రీలో స్థిరంగా నిలదొక్కుకోగలిగారు. ఇప్పుడు అదే మార్గంలో సాయి అభ్యంకర్ పేరు వేగంగా వినిపిస్తోంది.
అయితే అతను కూడా పాత ఫార్మాట్ను మాత్రమే ఫాలో అయితే, మరో అనిరుధ్ లేదా యువన్గా మిగిలిపోయే ప్రమాదం ఉందని సంగీత అభిమానులు అభిప్రాయపడుతున్నారు. ఇకపై కావాల్సింది కేవలం బీట్స్ కాదు… కథను నడిపించే బీజీఎం, థీమ్ మ్యూజిక్తో ప్రేక్షకుల రోమాలు నిక్కబొడుచుకునే స్థాయి సౌండ్ డిజైన్ అని వారు చెబుతున్నారు.
ప్రపంచ స్థాయి సినిమాల్లో కనిపించేలా, క్రిస్టోఫర్ నోలన్ చిత్రాలైన ఇంటర్స్టెల్లార్, ఇన్సెప్షన్, డంకిర్క్ తరహాలో మ్యూజిక్తోనే ఎమోషన్ క్రియేట్ చేయాల్సిన అవసరం ఇప్పుడు ఉందని విశ్లేషకులు అంటున్నారు. మ్యూజిక్ క్వాలిటీతో పాటు సినిమాల రేంజ్ కూడా మారిపోతున్న ఈ కాలంలో పాత రొటీన్ బీట్స్ ఇక పనిచేయవని స్పష్టంగా తెలుస్తోంది.
ఇక ఆర్టిఫిషియల్ ఇంటెలిజెన్స్ కూడా సంగీత రంగాన్ని కొత్త దిశలోకి తీసుకెళ్తుందనే చర్చ కొనసాగుతోంది. ఇప్పటికే ఉన్న సౌండ్స్ను కలిపి కొత్త మ్యూజిక్ జనరేట్ చేసే టూల్స్ పెరుగుతున్న నేపథ్యంలో, మ్యూజిక్ డైరెక్టర్ల పాత్రపై కూడా ప్రశ్నలు వస్తున్నాయి. భవిష్యత్తులో కేవలం టెక్నాలజీ కాకుండా, క్రియేటివిటీనే అసలైన బలం కావాల్సి ఉంటుంది.
ఈ నేపథ్యంలో సాయి అభ్యంకర్ లాంటి యువ సంగీత దర్శకులు టెక్నికల్ స్కిల్స్తో పాటు, ఆర్టిస్టిక్ విజన్ను కూడా పెంచుకోవాల్సిన అవసరం ఉందని ఇండస్ట్రీ వర్గాలు భావిస్తున్నాయి. ఇటీవల అతను సూర్య నటిస్తున్న కరుప్పు మరియు అల్లు అర్జున్–అట్లీ కాంబినేషన్లో రూపొందుతున్న భారీ చిత్రం రాకాకు సంగీతం అందించడం వల్ల అతడి పేరు మరింతగా హైలైట్ అవుతోంది.
కరుప్పు నుంచి విడుదలైన మాస్ సింగిల్ ఇప్పటికే సోషల్ మీడియాలో మంచి రెస్పాన్స్ తెచ్చుకుంది. అలాగే రాకా ప్రాజెక్ట్ పాన్-వరల్డ్ స్థాయిలో ఉండటంతో, దానికి అందించే బీజీఎం అంతర్జాతీయ ప్రమాణాలకు సరిపోవాల్సిన అవసరం ఉంది.
వరుసగా పెద్ద ప్రాజెక్టులు దక్కించుకుంటున్న సాయి అభ్యంకర్, త్వరలోనే ఇండియన్ మ్యూజిక్ ఇండస్ట్రీలో టాప్ లీగ్లో చేరే అవకాశాలు ఉన్నాయి. కానీ అక్కడ నిలబడాలంటే ప్రతి సినిమాతో కొత్తదనం చూపించాల్సిందే. కేవలం బీట్స్ కాదు, భావోద్వేగాలను మోయగల సంగీతమే అతని అసలైన పరీక్షగా నిలవనుంది.
Recent Random Post:
