కొన్నిసార్లు సినిమాలో మంచి కంటెంట్ ఉన్నా సరైన ప్రీ-రిలీజ్ బజ్ లేకపోవడం వల్ల ప్రేక్షకుల్లోకి వెళ్లక, ఆశించిన ఫలితాన్ని అందుకోలేక థియేటర్ల నుంచి త్వరగా వెళ్లిపోతుంటాయి. అలాంటి పరిస్థితినే గత ఏడాది ‘ది గ్రేట్ ప్రీ వెడ్డింగ్ షో’ సినిమా ఎదుర్కొంది. తిరువీర్ హీరోగా నటించిన ఈ చిత్రం, ఆ ఏడాది వచ్చిన ఉత్తమ చిత్రాల్లో ఒకటిగా ప్రశంసలు అందుకుంది.
ఒక పల్లెటూరి ఫోటోగ్రాఫర్ కథను చాలా సహజంగా, హృదయానికి దగ్గరగా చెప్పినప్పటికీ, సరైన ప్రమోషన్స్ లేకపోవడంతో సినిమా జనాల్లోకి పెద్దగా వెళ్లలేదు. థియేటర్లలో ఆశించిన విజయాన్ని సాధించలేకపోయినా, ఓటీటీలో మాత్రం ప్రేక్షకుల నుంచి మంచి స్పందన వచ్చింది. “ఇంత మంచి సినిమా థియేటర్లో ఎందుకు చూడలేదు?” అనే భావన కూడా చాలా మందిలో కనిపించింది. ఈ విషయంపై హీరో తిరువీర్ కూడా కొంత నిరాశ వ్యక్తం చేశాడు. ఇకపై తన సినిమాలకు ప్రమోషన్ విషయంలో ఎలాంటి లోపం ఉండదని ఆయన హామీ ఇచ్చాడు.
అందుకు అనుగుణంగానే తన కొత్త చిత్రం *‘పాపం ప్రతాప్’*ను గట్టిగా ప్రమోట్ చేశాడు తిరువీర్. టీమ్ కూడా బాగా కష్టపడింది. నిర్మాతలు ప్రత్యేకంగా ప్రమోషన్ కోసం బడ్జెట్ కూడా కేటాయించారు. అయితే అన్ని ప్రయత్నాల తర్వాత కూడా సినిమా ఆశించిన స్థాయిలో ఆకట్టుకోలేకపోయింది. కాన్సెప్ట్ బాగున్నా, ఎగ్జిక్యూషన్ సరిగా లేకపోవడం ప్రధాన లోపంగా నిలిచింది.
పెయిడ్ ప్రీమియర్స్కు మంచి స్పందన వచ్చినప్పటికీ, సినిమా విడుదల తర్వాత మిక్స్డ్ టు నెగెటివ్ రివ్యూలు రావడంతో థియేటర్లలో ప్రేక్షకుల రద్దీ తగ్గిపోయింది. తిరువీర్ మరోసారి తన పాత్రను బాగా పోషించినప్పటికీ, సినిమాకు అదృష్టం కలిసి రాలేదు.
గత ఏడాది మంచి సినిమా చేసినా ప్రమోషన్ లోపం వల్ల హిట్ మిస్ అయ్యింది. ఈసారి ప్రమోషన్స్ బలంగా చేసినా, కంటెంట్ బలహీనంగా ఉండటంతో ఫలితం రాలేదు. ఇప్పుడు తిరువీర్ ఖాతాలో హిట్ ఎప్పుడు పడుతుందో చూడాలి.
Recent Random Post:
