టాలీవుడ్లో “బుట్టబొమ్మ”గా ప్రత్యేక గుర్తింపు తెచ్చుకున్న పూజా హెగ్డే గురించి ప్రత్యేకంగా పరిచయం అవసరం లేదు. అందం, అభినయంతో ప్రేక్షకులను ఆకట్టుకున్న ఈ ముద్దుగుమ్మ, కొంతకాలంగా సరైన హిట్ లేకపోవడంతో కెరీర్లో మళ్లీ గట్టి బ్రేక్ కోసం ఎదురుచూస్తోంది. ప్రస్తుతం హిందీ, తమిళ చిత్రాల్లో నటిస్తూ బిజీగా ఉన్న ఆమె, సోషల్ మీడియాలో కూడా యాక్టివ్గా ఉంటూ తన ఫ్యాన్ ఫాలోయింగ్ను మరింత పెంచుకుంటోంది.
తాజాగా పూజా హెగ్డే బ్లూ అవుట్ఫిట్లో తీసుకున్న సెల్ఫీ ఫోటోలు సోషల్ మీడియాలో వైరల్గా మారాయి. మిడ్నైట్ బ్లూ ఎంబ్రాయిడరీ లెహంగా, స్ట్రాప్లెస్ బ్లౌజ్, డైమండ్ చోకర్, సింపుల్ స్ట్రెయిట్ హెయిర్తో ఆమె లుక్ అభిమానులను ఆకట్టుకుంటోంది. వ్యానిటీ మిర్రర్ ముందు తీసుకున్న ఈ సెల్ఫీలు నెటిజన్ల నుంచి మంచి స్పందన పొందుతున్నాయి.
ఇక సినిమాల విషయానికి వస్తే, పూజా హెగ్డే ప్రస్తుతం బాలీవుడ్లో వరుణ్ ధావన్తో కలిసి “హై జవానీ తో ఇష్క్ హోనా హై” అనే రొమాంటిక్ కామెడీ చిత్రంలో నటిస్తోంది. జూన్ 5న ఈ సినిమా ప్రేక్షకుల ముందుకు రానుంది. ఇటీవల విడుదలైన ఈ చిత్రంలోని “వావ్” సాంగ్ ఇప్పటికే మిలియన్ల వ్యూస్ సాధించి ట్రెండింగ్లో నిలిచింది. ఈ సినిమాలో మృణాల్ ఠాకూర్ కూడా కీలక పాత్రలో కనిపించనుంది.
అలాగే, తమిళంలో విజయ్ దళపతితో కలిసి నటించిన “జననాయగన్” చిత్రం కూడా త్వరలో విడుదలకు సిద్ధమవుతోంది. ఈ రెండు సినిమాలపై పూజా భారీ ఆశలు పెట్టుకుంది.
మరోవైపు, పూజా హెగ్డే వ్యక్తిగత జీవితంపై కూడా సోషల్ మీడియాలో రూమర్స్ వినిపిస్తున్నాయి. దివంగత నటుడు వినోద్ మెహ్రా కుమారుడు రోహన్ మెహ్రాతో ఆమె డేటింగ్లో ఉందని ప్రచారం జరుగుతోంది. అయితే ఈ విషయంపై ఇద్దరూ ఇప్పటివరకు ఎలాంటి అధికారిక ప్రకటన చేయలేదు.
వరుస పరాజయాల తర్వాత పూజా హెగ్డే ఈ రెండు చిత్రాలతో బలమైన కంబ్యాక్ ఇవ్వాలని అభిమానులు ఆశిస్తున్నారు.
Recent Random Post:
